Əfqanıstanın şiə icmasının müctəhidi, Ayətulla əl-üzma Qurbanəli Mühəqqiq Kabuli vəfat edib



Qurbanəli Mühəqqiq 1 iyun 1928-ci ildə Əfqanıstanın Pərvan vilayətinin Türkman kəndində anadan olmuşdu. Millətcə həzəradır. O, ibtidai təhsilini doğma kəndində, orta təhsilini mərkəz Kabildə almışdı. 1953-cü ildə Nəcəfə yollanmış, Ayətullah Əbdüləli Səbzavaridən, Şeyx Kazım Təbrizidən, Seyid Əbdülhüseyn Rəştidən, Məhəmmədtağı əl-Razidən, Şeyx Sədradan və Şeyx Müctəba Talmazdan dərs almışdı.

Qurbanəli Mühəqqiq 1955-ci ildə Seyid Ruhullah Xomeyninin moizələrini dinləmişdi. Sonra Ayətullah Xoyinin və Ayətullah Şeyx Məhəmmədbağır Zəncaninin dərslərinə qatılmışdı.

Ayətullah Qurbanəli Mühəqqiq Kabulinin Qum şəhərində dəftərxanası vardı.

Qurbanəli Mühəqqiq 1973-cü ildə Əfqanıstana qayıtmışdı. Şiə icmasının başçısı olmuş, tez bir zamanda ictihad dərəcəsinə çatmışdı.

Ayətullah Qurbanəli Mühəqqiq Kabulinin adına Herat şəhərində məscid mövcuddur.

Ayətullah əl-üzma Qurbanəli Mühəqqiq Kabiuli 11 iyun 2019-cu ildə vəfat edib.

Əzim Cavanşir

Analoq.az
скачать dle 10.6фильмы бесплатно


Daha tez məlumatlanmaq üçün yeni Facebook səhifəmizi