Lökbatan qəsəbəsinin ən yaşlı sakini dövlət başçısına müraciət ünvanladı-"Əmək və Əhalinin Sosial Müdafiəsi Nazirliyi mənim problemlərimlə maraqlanmır"



İsa İsmayıloğlu: "Əmək və Əhalinin Sosial Müdafiəsi Nazirliyi mənim problemlərimlə maraqlanmır"

Bakı şəhərinin Qaradag rayonundakı Lökbatan qəsəbəsində, Ə.Xəqani küçəsi, 23 saylı evin sakini, Böyük Vətən müharibəsi iştirakçısı, əmək veteranı, 2-ci qrup əlil və 99 yaşlı el ağsaqqalı olan İsa İsmayıloğlu dövlət başıçısına və müvafiq qurumlara müraciət ünvanlayıb.

"Azərbaycan Respublikasının Prezidenti İlham Əliyev cənablarına

Müraciət

Hörmətli cənab Prezident!

Mən 1920-ci ilin may ayının 11-də Bakının Qobu kəndində anadan olmuşam. 22 iyul 1941-ci ildə Azərbaycan SSR Molotov (indiki Qaradag) Rayon Hərbi Komissarlıgı tərəfindən SSRİ Silahlı Qüvvələri sıralarına hərbi xidmətə çagırılaraq vətənin müdafiəsinə qoşulmuşam. Xidmətimə Saratov şəhərində yerləşən 150 nömrəli sanitar hissədə sürücü kimi başlamışam, 1942-ci ilin yanvar ayından isə 216 nömrəli nizami alayda atıcı kimi davam etdirmişəm. Ukraina SSR-nın Xarkov və digər altı şəhərində vuruşmuşam, 1943-cü ildə Belqrad şəhəri ətrafında sag bud nahiyəmndən güllə və qəlpə yarası alaraq yaralanmışam, ordu sıralarından 2-c qrup əlil kimi tərxis olunmuşam. Bir çox orden və medallarla təltif edilərək öz vətənimə qayıtmişam.

Məlumat üçün bildirirəm ki, atam İsmayıl Kəlbəli oglu 1937-ci ildə o vaxt NKVD tərəfindən “Qulag” edilərək həbs olunduqdan sonra mən əmək fəaliyyətinə başlamışam və müharibədən qayıtdıqdan sonra əmək fəaliyyətimi davam etdirmişəm və 1997-ci ilədək müxtəlif vəzifələrdə işləmişəm. O cümlədən 1950-ci ildən 1980-ci ilədək “AZNEFT”-də və “QARADAGNEFT”də işləmiş veteranlar neftçilərdən biriyəm.

Böyük Vətən Müharibəsindən sonra, ölkəmizin çiçəklənməsi üçün Böyük vətən müharibəsi əlili kimi Agsaqqallar Şurasının üzvü olmaqla müxtəlif ictimai fəaliyyətlərlə də məşgul olmuşam və dəfələrlə Qarabag döyüşçüləri ilə Laçın, Agdərə, Agdam və Qubadlı rayonlarında görüşlərdə iştiraklar edərək onlara döyüş şəraitində məsləhətlər vermişəm.

Qaradag rayonunun fəxri agsaqqalı kimi dəfələrlə mərhum el ağsaqqalı, ümummilli liderimiz Heydər Əlirza oglu Əliyevlə görüşlərdə iştirak etmişəm.Həmçininin Sizinlə də Qaradag Rayon Agsaqqallar Şurasının üzvü kimi müxtəlif görüşlərdə, o cümlədən 9 May “Qələbə günü” münasibəti ilə təşkil edilən görüşdə də iştirak etmişəm. Məhz bundan sonra məni Qaradag rayonunda ev növbəsinə qəbul etsələr də, bu günədək mənzillə təmin olunmamışam.

Maraqlıdır ki, yaxın keçmişdə SSRİ Müdafiə Nazirliyi və Rusiya Federasiyasının Azərbaycan Respublikasında yerləşən səfirliyi vasitəsi ilə müxtəlif orden, medal və mükafatlarla təltif edilmişdim, RF-in jurnalistləri məndən müsahibələr almışdılar. Lakin ahıl, Böyük Vətən Müharibəsinin iştirakçısı, 2-ci qrup əlil, Neft Şirkətinin Əmək Veteranı olmağıma baxmayaraq, uzun illərdir ki, Əmək və Əhalinin Sosial Müdafiəsin Nazirliyi ilə yanaşı digər müvafiq qurumlar mənim acınacaqlı taleyimlə, problemlərimlə maraqlanmırlar. Hətta Azərbaycanda Böyük Vətən Müharibəsinin 99 yaşlı yeganə iştirakçısı mən olsam da, buna da əhəmiyyət verilmir. Mənim ən ahıl, veteran neftçi olduğumu da nəzərə alan yoxdur.

Hörmətli cənab Prezident!

Mənim həyat şəraitim çox agırdır. Belə ki, mən övladlarımla, nəvə- nəticələrimlə birlikdə yaşayıram. Bir müddət əvvəl öz şəxsi maliyyə vəsaitim hesabına gözlərimdən əməliyyat olunduqdan sonra evdə olan səs-küyə, ailəmizin böyüklüyü üzündən darısqallığa dözümüm qalmayıb. Sərbəst və rahat yaşamaq üçün mənzilə və avtomobilə ehtiyacım var.

Xahiş edirəm ki, ömrümün son günlərini can rahatlıgı ilə yaşamağım üçün son arzularımın yerinə yetirilməsi, mənim mənzillə və təzə avtomobillə təmin edilməyim üçün əlinizdən gələn köməyi əsirgəməyəsiniz. Əvvəlcədən təşəkkürümü bildirirəm.

İsa İsmayıloğlu, Bakı şəhəri, Qaradag rayonu, Lökbatan qəsəbəsi, Ə.Xəqani küçəsi, 23 saylı evin sakini.azim.az


Analoq.az
скачать dle 10.6фильмы бесплатно


Daha tez məlumatlanmaq üçün yeni Facebook səhifəmizi