AXCP sədri Razi Nurullayev:"Bir bankın bir rayon şöbəsi 6 milyard manata yaxın vəsaiti oğurlayıb, xaricə çıxarıb"



AXCP sədri , keçmiş prezidentliyə namizəd Razi Nurullayev bu gün öz facebook səhifəsində talançı banklarla bağlı bəzi maraqlı nüanslara toxunub.Analoq.az Razi Nurullayevin facebook statusunu olduğu kimi təqdim edir:

Bir bankın bir rayon şöbəsi 6 milyard manata yaxın vəsaiti oğurlayıb, xaricə çıxarıb. İndi digər böyük bankların çıxardığı hoqqaları, onların oğurluğunun miqyasını düşünün.

Bank kreditlləri yüksəkdir, vətəndaşların banklara zərrə qədər də etibarı yoxdur, onları yalançı və firıldaqçı hesab edirlər. Təbii ki, haqları da var. Məhz, yartımaz bank siyasəti Azərbaycanda 3-qat inflyasiya yaratdı, manat dəyərdən düşdü, insanlar bir günün içində mayalartını, pullarını, bizneslərini itirdilər. 2014-cü ildən bəri ölkə hələ də özünə gələ bilmir.

Bilirsiniz niyə? Banklar milyardları oğurlayıb xaricə çıxarıblar, xalq isə burada iş, rifah, çörək və yaxşı həyat davası edir. Bir çoxları həbs edilib, amma bu azdır. bu ciyayətin baş verməsinə göz yumanlar, kömək edənlər, şəriklik edənlər həbs edilməyib, onlar qaranlıq yollarla yaxalarını kənara çəkə biliblər və bu gün də iş başındadırlar.

Bir nümunə:

Bu gün “Royalbank”ın 10 saylı filialının keçmiş direktor müavini Malik Əliyev və tanışı Rüfət Vəliyevin cinayət işi üzrə məhkəmə iclası keçirilib.

M.Əliyev “Privion Group” MMC vasitəsilə 2014-cü ilin fevral ayından 2015-ci ilin oktyabr ayına kimi 839 milyon manat, “İmpeks+” MMC vasitəsilə 2013-cü ilin noyabr ayından 2015-ci ilin oktyabr ayına kimi 778 milyon manat, “Blast” MMC vasitəsilə həmin müddət ərzində 510 milyon manat, “Qalaksi A” MMC vasitəsilə 115 milyon manat, “Asin Co. LTD” vasitəsilə 79 milyon manat, “Primo A” MMC vasitəsilə 213,5 milyon manat, “İTEK” MMC vasitəsilə 129 milyon manat pulu müxtəlif xarici valyutalara konveriya edərək xarici ölkələrdə yaradılan şirkətlərin bank hesablarına köçürüb.

Həmin şəxslər ümumilikdə cinayət yolu ilə əldə edilmiş 5 milyard 551 milyon manat pulu çirkli yolla leqallaşdırıb və ölkədən çıxarıb.

Bir bankın bir rayon şöbəsi 6 milyard manata yaxın vəsaiti oğurlayıb, xaricə çıxarıb. İndi digər böyük bankların çıxardığı hoqqaları, onların oğurluğunun miqyasını düşünün.

Heç bir güzəşt olmamalıdır, heç kim qanunsuz əməlinə görə cəsazız qalmamalıdır. Bu olduqca, xalqın narazılığı da səngiməyəcək."

Analoq.az
скачать dle 10.6фильмы бесплатно


Daha tez məlumatlanmaq üçün yeni Facebook səhifəmizi