Qərbi Azərbaycan İcması fəaliyyətini genişləndirir



Qərbi Azərbaycan İcmasının Mətbuat Xidmətindən Analoq.az-a verilən məlumata görə aprelin 28-də Qərbi Azərbaycan İcması İdarə Heyətinin növbəti yığıncağı keçirilmişdir. Yığıncağı giriş sözü ilə açan İcma sədri Əziz Ələkbərli Qərbi Azərbaycan İcmasının son günlərdəki fəaliyyəti barədə ətraflı məlumat vermiş, İcmanın fəaliyyətinin getdikcə genişləndiyini qeyd etmişdir.

Ə.Ələkbərli bildirmişdir ki, aprelin 24-də Bakı Slavyan Universitetində Turan Araşdırmalar Mərkəzi İctimai Birliyinin təşkilatçılığı ilə keçirilmiş "Saxta erməni soyqırımı" mövzusunda tədbirdə Azərbaycan Qaçqınlar Cəmiyyəti və Qərbi Azərbaycan İcması adından iştirak və çıxış etmişdir.

Aprelin 26-da isə Azərbaycan Milli QHT Forumunun akademik Zərifə xanım Əliyevanın anadan olmasının 96-cı ildönümünə həsr edilmiş tədbirində iştirak etmişdir. Tədbir iştirakçıları əvvəlcə Fəxri Xiyabanda ulu öndər Heydər Əliyevin və akademik Zərifə xanım Əliyevanın məzarını ziyarət edib, abidələri önünə gül dəstələri qoymuş, sonra MQF Bakı QHT Resurs və Təlim Mərkəzində görkəmli oftalmoloq alim, akademik Zərifə xanım Əliyevanın anadan olmasının 96-cı il dönümünə həsr olunmuş tədbir keçirilmişdir.

Tədbirdə MQF-nin prezidenti Rauf Zeyni, MQF-nin vitse-prezidenti Nüşabə Məmmədova, Azərbaycan Tibb Universitetinin müəllimi, dosent Aidə Bəndəliyeva, BDU-nun professoru Leyla Gərayzadə, MQF İdarə Heyətinin sədr müavini İradə Rzazadə, MQF İdarə Heyətinin üzvü Çingiz Bayramov, Azərbaycan Qaçqınlar Cəmiyyətinin və Qərbi Azərbaycan İcmasının sədri Əziz Ələkbərli və digər şəxslər çıxış etmişlər.

Əziz Ələkbərli çıxışında görkəmli oftalmoloq alim, akademik Zərifə xanım Əliyevanı Azərbaycan xalqının 20-ci yüzildə yetirdiyi görkəmli şəxsiyttələrdən biri kimi səciyyələndirmiş, alimin irsinin daha geniş sferada təbliğini vacib saymışdır.

Aprelin 27-də Qaraçanta Birliyi təşəbbüs qrupu və Qaraçanta Kənd İcması Qaraçanta şəhid ailələrinin iştiraki ilə ,,Qaraçanta şəhidlərinin anım günü” tədbiri keçirmiş, tədbirdə Qaraçanta Birliyi Təşəbbüs qrupunun və Qaraçanta Kənd İcmasının üzvləri, Qaraçanta kənd ziyalıları, Qaraçanta şəhidlərinin ailə üzvləri iştirak və çıxış etmişlər.

Şəhid ailələrinin üzvləri tədbirin təşkilatçılarına şəhidlərin xatirəsinə göstərdikləri ehtirama görə təşəkkür etmişlər. Tədbirdə Qərbi Azərbaycan İcmasının sədri Əziz Ələkbərli, Qərbi Azərbaycan İcması İdarə Heyətinin üzvləri Fəqan Bəhrəmov, Cəmşid Dərələyəzli, Muxtar Oxçoğlu və Səməndər Mehdiyev də iştirak və çıxış etmiş, təşəbbüsün digər bölgələrimizin Kənd İcmaları üçün bir örnək olacağı ümidini səsləndirmişlər.

Çıxışlarda şəhidlərimizin qanının yerdə qalmayacağına, Ali Baş Komandan İlham Əliyevin əmri ilə torpaqlarımızın yaxın zamanlarda düşməndən azad ediləcəyinə böyük inam ifadə edilmişdir. Tədbirin sonunda şəhid ailələrinə Qaraçanta şəhidlərinin şəkilləri olan plaketlər hədiyyə edilmiş, şəhidlərə ehsan verilmişdir.

Qərbi Azərbaycan İcması İdarə Heyətinin yığıncağında kənd icmalarının formalaşması vəziyyəti barədə rayon icma sədrlərinin hesabatı dinlənilmiş, yeni Kənd İcma sədrləri təsdiq olunmuşdur. Vorontsovka (Kalinino) və Allahverdi rayon icmalarının formalaşması vəziyyəti barədə Qərbi Azərbaycan İcması İdarə Heyətinin üzvü Muxtar Oxçoğlunun və həmin rayonların yığıncaqda iştirak edən icma nümayəndələrinin məlumatları nəzərə alınmışdır.

Qərbi Azərbaycan İcması İdarə Heyətinin üzvlərindən Cəmşid Dərələyəzli, Fəqan Bəhrəmov, Səməndər Mehdiyev, Polad Poladov, əslən Sisian rayonunun Ağudi kəndindən olan fizika elmlər doktoru, professor Bəxtiyar Nəcəfov, Böyük Qarakilsə rayonunun Hallavar Kənd İcmasının sədri Bəxtiyar Abdullayev, Allahverdi rayonunun Böyük Ayrım Kənd İcmasının sədri Tofiq Əliyev, ictimai fəal Qeysər Əliyev və b. təşkilatın cari məsələləri və qarşıda duran vəzifələr barədə çıxış etmişlər.

Yığıncaqda Qərbi Azərbaycan İcması İdarə Heyətinin üzvü Fəqan Bəhrəmov yekdilliklə Qərbi Azərbaycan İcması sədrinin təşkilati məsələlər üzrə müavini seçilmişdir.

Analoq.az
скачать dle 10.6фильмы бесплатно


Daha tez məlumatlanmaq üçün yeni Facebook səhifəmizi