Ucar rayon sakini Azercelldən ölkə başçısına şikayət ünvanladı



Ucar rayonu Yuxarı Şilyan kənd sakini,Böyük Vətən müharibəsi iştirakçısı Yusifova Xanım Mütdəlif qızı Analoq.az-a ünvanlıdığı məktubunda "Azercell Telekom" MMC tərəfindən aldandığını və hüquqlarının pozulduğunu qeyd edir. Analoq.az həmin şikayət məktubunu olduğu kimi təqdim edir:

Hörmətli redaksiya, "Azercell Telekom" MMC ilə aramızada bağlanmış 29.01.2009-cu il tarixli birgə fəaliyyət müqaviləsinə əsasən Ucar rayonunun Yuxarı Şilyan kəndində yerləşən mənə məxsus həyətyanı sahəmdə şirkətə məxsus radio baza stansiyasının cihazları quraşdırlmışdır.

Müqavilənin şərtlərinə əsasən buna görə mənə şirkət tərəfindən bir il üçün 1000 manat pul ödənilir. Həmin 10 illik müqavilənin müddəti bitmişdir.

29.01.2009-cu il tarixdə "Azercell Telekom" MMC ilə müqavilə bağlanan zaman Azərbaycan manatı devalivasiyaya uğramamışdır.İndi isə həmin məbləğlə müqavilənin yenidən bağlanılması qanuna uyğun deyil.Çünki "Azercell Telekom" MMC-nin həyətimdə quraşdırdığı antenin yaydığı şüa dalğalarının mənim və ailə üzvülərimin səhhətinə ciddi təsirlər göstərir.Buna görə biz vaxtlı-vaxtında vitaminli qidalar qəbul etməliyik, müayinə və müalicələr olunmalıyıq.Bunu isə "Azercell Telekom" MMC tərəfindən il ərzində verilən həmin 1000 manat pula həyata keçirmək qeyri mümkündür.Həmçinin həyətimin anten quraşdılan həmin torpaq sahəsində uzun müddətdir ki, əkin işləri aparılmır. Həmçinin mənim həyətyanı sahəmə quraşdırılmış radio baza stansiyasının cihazları müqavilədən sonra bir neçə dəfə artırılmışdır.Bu müqavilənin şərtlərini açıq-aşkar pozur.

Müqavilənin şərtlərindədə belə müddəalar öz əksini tapmışdır ki, müqavilənin icrası zamanı meydana çıxan bütün narazılıq və mübahisələr tərəflərin qarşılıqlı razılığı ilə həll edilir.

Mən buna görə "Azercell Telekom" MMC- nin prezidenti Vahid Mürsəliyevə ərizə ilə müraciət edib icarə pulunun miqdarının artılmasını xahiş etdim.Ancaq "Azercell Telekom" MMC- nin prezidenti Vahid Mürsəliyev mənimlə razılaşmayıb rədd cavabı verdi.

Qeyd edim ki, "Azercell Telekom" MMC ilə aramızda bağlanmış müqavilənin müddəti 2019-cu il tarixdə bitdiyi üçün mən onlarla təkrar müqavilə bağlamaqdan əsaslı olaraq imtina etdim.Buna baxmayarq "Azercell Telekom" MMC reketlik edib müqvilə bağlanılmadan həyətimdə quraşdırdığı antenaları oradan çıxarmaq istəmir fəaliyyətini davam etdiri.Bu isə özbaşınalıq və reket əməli hesab edilir.

Mənim həyat yoldaşım Böyük Vətən müharibəsi iştirakçısı olub, özüm isə ön cəbhə iştirakçısı olmuşam, oğlum Asif Qarabağ müharibəsi əlili, digər oğlum İlqar isə Əfqanstan müharibəsi iştirakçısıdır.Biz vətənpərvər ailəyik.

Mən "Azercell Telekom" MMC- nin prezidenti cənab Vahid Mürsəliyevin bu özbaşınalığı barədə prezident cənab İlham Əliyevə, Mehriban xanım Əliyevaya və Nəqliyyat, Rabitə və Yüksək Texnologiyalar Naziri cənab Ramin Quluzadəyə ərizə ilə müraciət etmişəm.

Mətbuat vasitəsi ilə də xahiş edirəm "Azercell Telekom" MMC- nin prezidenti cənab Vahid Mürsəliyevin özbaşına hərəkətləri araşdırılsın onların barəsində qanunu tədbir görəsiniz, mənim icarə pulumu artırmadığı təqdirdə həyətimdəki radio baza stansiyasının cihazlarını çıxarılmasını təmin edəsiniz .

Əlaqə telefonu; (051) 705-61-61 (oğlum İlqar)

Analoq.az qarşı tərəfin mövqeyini dərc etməyə hazırdır

Analoq.az


Ucar rayon sakini Azercelldən ölkə başçısına şikayət ünvanladı
Ucar rayon sakini Azercelldən ölkə başçısına şikayət ünvanladı
Ucar rayon sakini Azercelldən ölkə başçısına şikayət ünvanladıскачать dle 10.6фильмы бесплатно


Daha tez məlumatlanmaq üçün yeni Facebook səhifəmizi