Manatın axırı necə olacaq?

Manatın axırı necə olacaq?
Tarix: 13-12-2016, 18:49 Toplam: nəfər paylaşdı. Baxılıb: 5582


“Biz bu ilin əvvəlindən artıq üzən məzənnə rejimində çalışırıq. Bunu təsdiq edən fakt odur ki, artıq Mərkəzi Bank fevral ayından bazarda öz valyutasını satmır”

Politika.Az xəbər verir ki, bunu Azərbaycan Mərkəzi Bankının İdarə Heyətinin (AMB) sədri Elman Rüstəmov bildirib.

E. Rüstəmov qeyd edib ki, bu gün bazarda tələb təklifi üstələyir: “Buna görə, tam üzən məzənnəyə keçid ciddi hazırlıq tələb edir. Biz bu plana uyğun olaraq işləyirik. Bizim əsas məqsədimiz makroiqtisadi sabitliyə nail olmaqdır”.

Baş bankirin açıqlaması “vəssalam, manatın başı birdəfəlik buraxılır” kimi xarakterizə oluna bilər. Artıq hökumət manatın bu kursda saxlanmasının da mümkün olmadığını və hər gün əlavə pul xərcləndiyini görməkdədir.

AMB sədrinin tam üzən məzənnəyə keçid hazırlığı haqda çıxışı o deməkdir ki, iqtisadiyyatın, manatın taleyi Allahın ümidinə buraxılır. Baş bankirin xəbərdarlığı hökumətin maliyyə və valyuta siyasətində yanvardan nələrə gedəcəyinin anonsudur.

Azərbaycanın iqtisadi həyatında 2017-ci il üçüncü və bəlkə də tam devalvasiyanın başlanğıcı ili olacaq. Əgər tam devalvasiyaya gedilərsə ölkədə ağır bir dövr başlana bilər.

Politika.Az xəbər verir ki, qarşıdakı illərdə neft gəlirlərinin azalması ilə əlaqədar olaraq Neft Fondundan büdcəyə transferlərin getdikcə azalmasının şahidi olacağıq.

Buna görə də manatın möhkəmlənməsi üçün hökumət neft amilindən asılılığın azaldılması üçün alternativlər üzərində çalışır. Baş bankir Elman Rüstəmovun yarıtmaz pul siyasəti ölkə iqtisadiyyatına sarsıdıcı zərbə vurub.

Adətən bütün normal ölkələrdə, belə deyək – “baş bankirlər” etibarlılığın simvoludur. Bu adamların hər bir açıqlaması qiymətli kağızlar bazarından tutmuş, iqtisadiyyatın bütün sahələrinə, milli valyutaların məzənnəsinə qədər bütün maliyyə sistemi üçün mayaka, istinad nöqtəsinə çevrilir - bütövlükdə real sektor öz hesablamalarını və gələcəyini bu açıqlamalar üzərində qurur.

Bəs bizdə? Ən azından son iki devalvasiyadan öncə verdiyi “manat kəskin ucuzlaşmayacaq” açıqlamalarına əsaslanaraq, bir qədər yumşaq davransaq, deməyə məcburuq ki, bizim “baş bankirimiz” yalan danışdı.

İnsanların təkcə bank sektoruna deyil, bütünlükdə hökumətə olan münasibətinə ağır zərbıə vurulub. Sizcə, bugün vətəndaşların bank əmanətlərini manat yox, dollarda saxlamasının, ümumilikdə əmanətlərin həcminin azalmasının əsas baiskarları sırasında Mərkəzi Bank neçənci yerdə durur?

Aparılan səhv və səhlənkar monetar siyasətin nəticəsidir ki, bugün Neft Fondu və Mərkəzi Bankın aktivləri hesabına ayda 100 milyonlarla dollar vəsait bazara atılır və əridilir.

Gözlər isə neftin qiymətindədir ki, bəlkə bahalaşdı və bu proses dayandı.Ancaq ən zəif iqtisadi savadı olan vətəndaş da bilir ki, bu mümkün olmayacaq.скачать dle 10.6фильмы бесплатно

Rəy Yazın



0 Valid XHTML 1.0 Transitional ILK-10