• 02:05 – Gəncədə başlayıb Ankarada bitən bir ömrün hekayəsi – polkovnik Məmməd Ağpolad 
  • 19:01 – Bərzani və Bərzanilər (2) 
  • 16:30 – Şamaxı rayon Mərkəzi kitabxanasının əməkdaşı doğum gününü qeyd edir 
  • 14:30 – 32 ili pedaqoji xidmətlərə həsr edilmiş, şərəfli 60 il! 
  • 17:30 – Kürdəmirdə Yeni Azərbaycan Partiyasının yaranmasının 25 illik yubileyinə həsr olunmuş tədbir keçirilib 
  • 15:30 – KASKO BUTİK elektron sığorta platforması ictimaiyyətə təqdim edildi 
  • 21:30 – Millət vəkili:"Özünün 60,oğlunun 40 yaşı var" 
  • 17:00 – Quba-Qusar-Xaçmaz bölgəsinə səfər edən məktəblilər səfərlərini uğurla başa vurdular 

Günel Əliyeva:"Günahkar"

Günel Əliyeva:"Günahkar" Günel Əliyeva:"Günahkar" GÜNAHKAR

Ay mənim yazımı qış eyləyənim,
Bu kövrək qəlbimi daş eyləyənim,
Dərdimi gözümdə yaş eyləyənim,
Sənmi günahkarsan, mənmi günahkar?
Dumanmı günahkar, çənmi günahkar?

Ay mənim arzumu puç eyləyənim,
Dağ boyda sevgimi heç eyləyənim,
Hər gün bir ürəyə köç eyləyənim,
Vəfanmı günahkar, qəlbmi günahkar?
Sözlərmi günahkar, dilmi günahkar?

Ay qara saçımda dən eyləyənim,
Bir vuran ürəyi tən eyləyənim,
Şeirimin adını " sən" eyləyənim,
Qələmmi günahkar, ruhmu günahkar?
Duyğumu günahkar, hismi günahkar?

İnan, hər şeirimin sözündə sənsən,
Qırdığın ürəyin özündə sənsən,
Sındırma bəxtimi, güzgüdə sənsən.
Nə tale günahkar, nə bəxt günahkar,
Həm sən günahkarsan, həm mən günahkar...

MƏN XOŞBƏXT OLANDA SEVƏRSƏN MƏNİ

Gözümdə illərin cəfası yatır,
Qönçə ürəyimə tikanlar batır,
Taleyim də mənə yalanlar satır,
Mən xoşbəxt olanda sevərsən məni.

Bu həsrət uşaq tək başımı qatır,
Vüsal ümidimi ocağa atır,
Eşq yalan danışır, nifrət aldadır,
Mən xoşbəxt olanda sevərsən məni.

İndi pərişanam, sönüb arzular,
Qüssəyə- kədərə dönüb arzular,
Elə bil, içimdə ölüb arzular,
Mən xoşbəxt olanda sevərsən məni.скачать dle 10.6фильмы бесплатно

Rəy yazın:
ANALOQ TV