Bənzər Yusif:"Başqasını sevirəm"



Yamaqlı taleh..

Mənim taleyimin cibləri yoxdur,
Yamağı sökülüb yırtılıb çoxdan.
Əllərim soyuqda üşüyür deyə,
Qəlbimin içinə qoyuram hərdən.

Küçədə dolaşan kimsəsiz uşaq,
Divara hörulən soyuq daşam mən.
Çarəsiz birinə isti bir qucaq,
Yetimin gözündən axan yaşam mən.

Üfüqdən boylanan doğan gunəşəm,
Ağlayan buludam çaxan şimşəyəm.
Bilmək istəyirsən kiməm, kimsəyəm,
Gecənin başında qara örpəyəm .

İçimdə fırtına qopur dəlicə ,
Dənizin qoynunda tənha gəmiyəm.
Necə yaşayıram belə illərcə ?
İnsanlar içində yalnız qəribəm.

Böyuyub urəyim sığmır köksümə,
Sıxır ayağımı ayaqqab kimi.
Qat-qat illərimi yığdım ömrümə,
Bədənim sümükdən bir dolab kimi.

Yuyuram üzümü gündə min dəfə,
Yuyuram silinmir alnım yazısı.
Qopub əllərimdə qalıbdır cəftə,
Nə etsəm açılmır bəxtim qapısı.

Bir ömür dərdim var neynəyim indi,
Ömrümü dəyişim yoxsa ölümmü ?
A dərdi paylayan heç demədinmi ,
O qədər dərd verdin birdə gülümmü ?

Əymişəm başımı müqəssir kimi,
Ver Tanrı hökmünü höküm sənindir.
Yaşamaq haqqını sən verdin mənə.
Yaşaya bilməmək öz günahımdır…

*****

Mənim qapımı döymə.

Keç get başqa küçədən,
Mənim qapımı döymə.
Sən məndə tam olmadın,
Birdə geriyə dönmə.

Pəncərəmdən asılıb,
Qara həsrət pərdəsi.
Evin divarlarında,
Gəzir kədər kölgəsi

****
Masamızda boş qalıb,
Bir küncdə yetim, fağır
Sənin getdiyin yerdə,
Sevgin boyda qəm yatır.

Günlərdə birtəhərdir,
Gündüzdə gecə kimi.
Hər axşam basdırıram,
Qəlbimdə öz sevgimi.

Qəribədir ölmürəm,
Bəs ölərəm deyirdim.
Bircə gün sən olmasan,
Yaşamaram deyirdim.

Bağışla ki, sənsizdə,
Yaşayıram gülürəm.
Hetda aşiq olmuşam,
Başqasını sevirəm...

*****

Qar dənəsi.

Bu gün yenə səni gördüm.
Küçəmizdən keçib gedən,
O, ömrünün qışlarında,
O, qadının saçlarına
Niyə yağdın ?
qar dənəsi.

Bu gün yenə ələmişdin,
Ağ tozunu yerə, göyə.
Tənhalıqdan tir tir əsən,
Bir yetimin ürəyinə
Niyə yağdın?
qar dənəsi.

Bu gun yenə bağlamışdın,
Ona gedən yolu, izi.
Tumurcuqdu sevgiləri,
Buz eylədin son ümüdü,
Niye yağdın ?
qar dənəsi.

Ürəyimin cibidə yox,
Əllərimi isitməyə.
Mən qəribin kimsəsi yox,
Sığal çəkib ovutmağa.
Səndə kəsmə nəfəsimi,
Niyə yağdın ?
qar dənəsi .

Kaşki örtsən torpaq üstdə,
Hopub qalmış bu dünyanın,
kirlərini, paslarını,
İnsanların su yerinə,
Axıb gedən qanlarını.
Bəyazlığın təmizləmir yer üzünü,
Niyə yağdın?
qar dənəsi .

Vur şaxtanla dondurginən,
Mərmiləri , silahları.
Ayazınla öldurginən,
İblis qəlbi nadanları
Sənin ömrün bir nəfəslik
Niyə yağdın ?
qar dənəsi.

Bir az qara bəxtlərə yağ,
Hüzünlərə, dərdlərə yağ.
Həsrət bizdə yumag, yumag
Tökmə səndə zəhərini,
Niyə yağdın ?
qar dənəsi.

Aldatmazsan daha məni,
Ağlığınla, paklığınla.
İstəmirəm yağma birdə,
Sən yağmasan
göyərəcək "həyat" bəlkə,
Niyə yağdın ?
qar dənəsi.

Yada ki yağ lopa lopa,
Yorğun dünya qoy uyusun.
Uzun olur qış yuxusu,
Bəlkə onda gərçək olar,
Uşaqların xəyalları, saf arzusu.
Bax o zaman söyləyəcəm ,
Yağdıqca yağ
qar dənəsi…скачать dle 10.6фильмы бесплатно


Daha tez məlumatlanmaq üçün yeni Facebook səhifəmizi