• 22:48 – Tarixi şəxsiyyətlər"in 42 -ci sayı Türkiyə Respublikasının Prezidenti Rəcəb Tayyib Ərdoğana həsr olunub. 
  • 15:42 – Bəxtiyar Əsgərov: “Bəzi saytlarda yer alan yazılar NMR-dəki inkişafı gözdən salmaq məqsədi daşıyır” 
  • 17:35 – Bakıda “QAZAXISTAN TƏHSİL SƏRGİSİ keçiriləcək 
  • 19:58 – "Ümidlə gəl"in növbəti buraxılışı 
  • 21:16 – Daimi nümayəndəlikdə Azərbaycan Xalq Cumhuriyyətinin 100 illik və Heydər Əliyevin 95 illik yubileyləri qeyd edilib 
  • 20:45 – "Ümudlə gəl" ümidləri doğruldur 
  • 15:54 – Rəna Mirzəyeva “Sevgi limanı”nı təqdim edəcək 
  • 12:40 – Daimi nümayəndəliyin rəhbəri İsrail səfirini təbrik edib 

Bu nə səs-səmirdir yataqxanada?!..

Bu nə səs-səmirdir yataqxanada?!.. GƏNCLİYİM

Külək idi,yağış idi, bilmirəm,
Bir alovlu baxış idi,bilmirəm...
O gedəli sevinmirəm,gülmürəm,
Hardan gəldi,hara getdi gəncliyim ?!

Bir çiçəkdi,soldu getdi,qurudu,
Bir göz idi,doldu getdi,qurudu,
Nə arzudan,nə diləkdən yarıdı,
Yaşanmamış para getdi gəncliyim...

Bir yaz günü mən göz açıb yumunca,
Küləkləri saçlarımı yolunca,
Axtarıram ,gözüm qaldı dalınca,
Ürəyində yara getdi gəncliyim...

*****

AĞAC

Başına gün döyən ağac,
Kölgəndə dincələnmirəm...
Çiçəklərin suya möhtac,
Göz yaşını silənmirəm...

Yer üzü dərəli-dağlı,
Sonsuzluq sovurur ağlı,
Əllərim,ayağım bağlı ,
Hüzuruna gələnmirəm!..

Qaranlığa yağan yağış,
Məhəbbətdi yoxsa qarğış?..
Gözü yaşlı uçan ay quş,
Sənə yuva hörənmirəm...

Yaşadım sini görmədim,
Keçirdim günü görmədim,
Dünyanı yeni görmədim,
Əcəlimi bilənmirəm...

*****

YIXILIR

Qış günündə ağırlaşıb
Budaqlar qardan yıxılır,
Yazda qalxıb çıçəkləyib,
Payızda bardan yıxırır ...

Kimi sözü tuta bilmir,
Kimi sözü uda bilmir,
Kimi gecə yata bilmir,
Yuxuda hərdən yıxılır...

Kim badalaq vurdu bizə,
Kim tələni qurdu bizə,
Düşən düşüb bəxtimizə,
Balıqlar tordan yıxılır...

Kimi sözündən sürüşür,
Kimi sözdən şərə düşür,
Çabalayıb dara düşür...
Kimi də dardan yıxırır !..

*****

ŞUŞA

Başının üstündə nəm çəkən bulud,
Suyunda gözümün suları Şuşa!
Acı zəmanədi ,qəhərini ud,
Göynəyir qəlbimin qubarı Şuşa!

Səndə əsrlərin yanğılı səsi,
Ovunmaz Seyidin,Xanın naləsi,
Böyük Üzeyirin ölməz həvəsi,
Qaldı Natəvanın məzarı Şuşa!

Lalələr göz açıb üzə güləndə,
Sənsiz çiçək açıb bahar gələndə,
Gözümün yaşını sənsiz siləndə,
Gələrmi könlümün baharı Şuşa?!

Çiçəklər çiçəyi xarıbülbülü,
Qoydu qəm içində yarı bülbülü...
Hicran atəşində sarı bülbülün
Düşməni kəsibdi yolları,Şuşa!

Sən könül eşqinin sultanı idin,
Qoca Qarabağın tərlanı idin,
Acı xəyanətin qurbanı oldun,
Tarix unudarmı bunları Şuşa?!.

*****

YATAQXANADA

Oyandım bu ömrün çığırtısına,
Bu nə səs-səmirdir yataqxanada?!..
Bu soyuq divarlar,bu lal divarlar...
Ömrümü gəmirdi yataqxanada...

Bir ev arzu kimi çəkildi göyə,
Yedilər haqqımı,yedilər niyə?!..
Gözlərim boylanır ümidsizliyə,
Ürəyim dəmirdir yataqxanada...

Acı bağırsaq tək uzanır ömür,
Batan bir arzunu çıxan ha görmür,
Siqaret kötüyün sümürhasümür,
Əllərim kömürdür yataqxanada!..

Uçub dəhlizində yox olur ətir,
Havası kıflənıb gözümü didir,
Ilahi, bu ömrü kirayə götür,
Bu da bir ömürdür,yataqxanada...

*****

BAYRAQ

Qaldırdığın bu bayrağın
vətən üçün öl altında !
Külək sovurdu qalmadı,
bircə közün kül altında ?!..

Gül açdı,güllər üstünə,
Uzandı əllər üstünə,
Töküldü illər üstünə,
Qaldın neçə il altında...

Dörd yol ayrıcında otur,
Hər gedən bir yolda batır,
Tanrının hikməti yatır,
Düzəltdiyi gil altında...

Söz qanadlı kəhərim var,
Açılası səhərim var,
Bircə damcı zəhərim var,
Ölmək üçün dil altında...

Xəqani Ayxan


Bu nə səs-səmirdir yataqxanada?!..скачать dle 10.6фильмы бесплатно

Rəy yazın:
ANALOQ TV