Xəstələrə şəfa,kasıblara ruzi, abituriyenti də universitetə qəbul etdirən Mir Mövsüm Ağanın kəraməti



Tarixi vərəqləsək görərik ki,İslamdan əvvəl Tanrıçı, Zərdüşt, Xristian dinlərinə etiqad etsək də heç zaman bütpərəst olmamışıq. İslamın sürətlə yayılması və bizim coğrafi ərazilərdə inkaşafı Məhəmməd Təqi İrəvani, Axund Əbu Turab, Mövlanə Şəkəvi, Əhmədağa Əhmədov dəyərli İslam alimləri də yetişdirdi.Lakin İranın, daha doğrusu Sasani-Məcusi ideyalarının Azərbaycana təsiri nəticəsində gizli bütpərəstlik yarandı. Tək Allaha sitayiş arxa plana keçirərək ilk planda İranın müqəddəs bildiyi "tanrılara" pərəstişini təbliğ etdilər, dini savadı olmayan inanclı insanlar da bunu qəbul etdilər.

Bu gün Azərbaycanda Mir Mövsüm Ağa, Beyləqanda zəncir piri,Tovuzda Haça qaya, Buzovnada Əliayağı piri, Dəvəçidə Beşbarmaq piri, Məkkədə Höbəl, Lat bütünə, Kərbəla, Məşhəd, Nəcəf, İraqda Əbu Hənifə ziyarətgahı,Əfqanıstanda Məzari şərif, ümumiyyətlə İslam dünyasında milyonlarla pir mövcuddur.

Bakı və ətraf kəndlərin sakinləri tərəfindən möcüzəli qüvvələrə malik olduğuna inanılan, fiziki qüsurlu Mir Mövsüm Ağanın sümükləri az inkişaf etsə də artıq neçə illərdir insanlar Allahdan daha çox Mir Mövsüm ağaya "sığınıb" ondan imdad diləyir.

Bu cür pir və ziyarətlərdə qənd paylanır, pul yığılır, asılmış şəkil qarşısında insanlar arxası qibləyə "müqəddəs" insanlara sitayiş edir, ondan yalvararaq yardım diləyir.

Qeyd edim ki, bu Allahı aşağılamaq və ondan üz döndərməkdir, sırf bütpərəstlikdir,Qurana arxa çevirməkdir.

Mir Mövsüm ağa imanlı bir seyyid ola bilər, kəramət sahibi kimi insanlara vasitəçilik edə bilər.

Ancaq Allahın əvəzinə xəstələrə şəfa, aclara çörək, kasıba ruzi verə bilməz, lap kobud desək az bal toplayan abituriyenti Dövlət İdarəçilik Akademiyasına qəbul elətdirə bilməz...

İnsanlar İçəri Şəhərdə yerləşən Mir Mövsüm ağanın vaxtilə yaşamış olduğu evi ziyarət edir, onun şəklinə əl açır, səcdələr edir və dualar edərək Allah əvəzi ona xitab edirlər.

Bu Allaha şərik qoşmaq, İslam dininə qarşı çıxmaqdır. Təbii ki, çox insanlar bu işin küfr olduğunu bilmirlər, ancaq məsuliyyət ilahiyyatçıların, ruhanilərin boynundadır ki, xalqa düzgün olanı anlatsınlar.

Dini təmsil edən, üzdə olan ruhanilərin əksəriyyəti də İran Zərdüşti Sasani sintezli cərəyana sitayiş etdikləri üçün belə ayinləri xalqa anlatmırlar, günah və küfr olduğunu demirlər.

Bizim xalqımız İran kimi iki və daha çox tanrıya inanmayıb, bizim İslamdan qabaqkı qədim etiqadımız Tengriçilik olub.

Bütpərəstlik Türk qövmünə yaddır. Xüsusən də İslam sırf bütpərəstliyə düşməndir.İslam tarixində olan döyüşlərə nəzər salsaq dediklərimin əyanı şahidi olacaqsınız.


Tural İrfan
Analoq.az

Xəstələrə şəfa,kasıblara ruzi, abituriyenti də universitetə qəbul etdirən Mir Mövsüm Ağanın kəramətiскачать dle 10.6фильмы бесплатно


Daha tez məlumatlanmaq üçün yeni Facebook səhifəmizi