Bizi izləməyi unutmayın

“Danışıqlar prosesində Azərbaycan üstün mövqe qazandı”

Автор: analoaz от 9-04-2016, 10:30
“Danışıqlar prosesində Azərbaycan üstün mövqe qazandı”

Əlimərdan SULTANOV

Ermənilərin təmas xəttində atəşkəs rejimini dəfələrlə pozması, dinc sakinləri atəşə tutması Azərbaycanın Ermənistan qoşunlarına sarsıdıcı zərbəsi və işğal altında olan bir sıra əraziləri azad etməsi ilə nəticələndi. Əgər baş verən hadisələrə sistemli şəkildə yanaşsaq və həm hərbi, həm də diplomatik müstəvidə gedən müharibəni qısa şəkildə analiz etsək bir sıra maraqlı məqamları görə bilərik. Belə ki, ilk olaraq baş vermiş bu qısa müharibə ordumuzun mütəşəkkil, sistemli şəkildə idarə olunduğunu, ən müasir silahlarla silahlandığını, regionda ən güclü ordu olduğunu bir daha sübut etdi. Təsadüfi deyil ki, bu fakt hərbi əməliyyatların davam etməsi fonunda bir sıra xarici hərbi ekspertlər tərəfindən də qeyd edildi və müxtəlif xarici kütləvi informasiya vasitələrində vurğulandı. Qeyd edək ki, hərbi əmliyytaların baş verdiyi zamanda yeni hesabatla çıxış edən “Global Fire Power” təşkilatı son 2016-cı il üzrə “Hərbi gücün qlobal indeksi” adlı hesabatında Azərbaycanın mövqeyini irəli çəkdi, Ermənistan isə siyahıda kəskin şəkildə gerilədi.

Digər tərəfdən son bir həftə ərzində Azərbaycan və Ermənistan arasında baş verən qarşıdurma Cənubi Qafqazda hərbi baxımdan tam yeni bir vəziyyət yaratdı. Belə ki, bu son illər ərzində Azərbaycanın xarici ölkələrdən aldığı yeni texnlogiyalardan yüksək səviyyədə istifadəsini göstərdi, başqa bir tərəfdən isə düşmən ordusunun nə dərəcədə zəif olmasını müəyyənləşdirdi və ordumuza imkan verdi ki, erməni silahlı birləşmələrinin işğal altında olan ərazilədə açıq-aşkar zəifliklərini təyin etsin.
Həmçinin hərbi əməliyyatlar 20 ildən çox davam edən diplomatik danışıqlar prosesinin yeni məcraya daxil olması baxımından da, yeni şərait yaratdı. Dünya birliyi Azərbaycanın artan qüdrətinin əyani şahidi oldu. Aprelin 2-dən - 5-nə qədər baş vermiş hərbi əməliyyatlar nəticəsində demək olar ki, dünyanın böyük ölkələrinin dövlət və hökumət başçıları Dağlıq Qarabağ münaqişəninin Azərbaycanın ərazi bütövlüyü prinsipi çərçivəsində həllinin vacibliyini vurğuladı, münaqişənin donmuş deyil, hər zaman aktiv əməliyyatlar fazasına daxil ola bilən bir konflikt olduğunu etiraf etdi. Eyni zamanda aparılmış hərbi əməliyytalar bir daha sübut etdi ki, Azərbaycan öz torpaqlarının işğal altında qalması faktı ilə ilə heç zaman razılaşmayacaq.

Qeyd edək ki, hərbi əməliyyatlar həm də ATƏT-in Minsk Qrupunun həmsədrlərinin daha aktiv və real fəaliyyət göstərməsinin lazım olduğunu da göstərdi. Bütün baş verən hadisələr bir daha sübut etdi ki, Minsk Qrupunun həmsədrləri regiona səfərlər edən zaman real olan təkliflər verməli, münaqişəni Azərbaycanın ərazi bütövlüyü, sərhədlərin toxunulmazlığı kimi beynəlxalq hüququn fundamental prinsipləri çərçivəsində həll etməlidirlər.
Onu da bildirmək lazımdır ki, hərbi əməliyyatlar Azərbaycanın daxilində böyük ruh yüksəkliyinin yaranması, xalqımızın erməni işğalı ilə heç zaman razılaşmayacağını bir daha bütün dünyaya göstərdi. Azərbaycan və Ermənistan arasında bu qısa müharibə zamanı dünyanın hər bir bölgəsində yaşayan soydaşlarımızın dəstəyi, müxtəlif xarici ölkələrdə fəaliyyət göstərən onlarla diaspor təşkilatlarının Prezident İlham Əliyevə məktub və müraciətləri, dünyanın nüfuzlu media orqanlarında Azərbaycanın haqlı mövqeyini müdafiə edən müxtəlif məqalələrin çıxması, Türkiyə Cümhuriyyəti Prezidenti və Baş nazirinin açıq şəkildə dəstəyi, Belarus Xarici İşlər Nazirliyinin münaqişənin Azərbaycanın ərazi bütövlüyü çərçivəsində həll edilməsinin vacibliyi haqda bəyanatı, ən əsası isə Ermənsitanın hər zaman güvəndiyi KTMT (Kollektiv Təhlükəsizlik Müqaviləsi Təşkilatı) üzvlərinin Ermənsitanın mövqeyini dəstəkləməkdən aşkar və gizli formalarda imtina etməsi Ermənsitana şok effektini yaşatdı. 5 gün ərzində Ermənistan demək olar ki, həm diplomatik, həm də hərbi müstəvidə tamamilə məğlub edildi. Bütün bunlar dünyaya, cənubdan- şimala, şərqdən qərbə güclü Azərbaycan faktorunun olduğunu bir daha çatdırdı.

Həmçinin baş vermiş hərbi əməliyyatlar Ermənistanın digər zəifliklərini də göstərdi. İş o yerə çatdı ki, Ermənistan parlamentində Ermənistan Milli Konqresi fraksiyasının üzvü Lyudmila Sərkisyan orduda qadınların da döyüşməsinin və qadınların cəbhə bölgəsinə göndərilməsinin vacibliyini qeyd etdi. Sözsüz ki, bu bəyanat, çağırış adi bir bəyanat deyil və Ermənsitan ordusunda əsgər çatışmazılığı və Ermənsitanın özündə əhalinin sayının kəskin azalmasından xəbər verir.
Digər maraqlı məqam isə ondan ibarət oldu ki, Ermənistan Prezidentinin hərbi əmliyyatlar davam edən zaman müxtəlif xarici ölkələrin liderlərinə zənglər etməsi, aşkar köməyə çağırması bu ölkənin heç bir qüvvəyə sahib olmadığını, müstəqil xarici siyasət yürütməkdən uzaq olduğunu və sözün əsl mənasinda forpost olduğunu bir daha sübut etdi.

Qeyd edək ki, bütün baş verənlər hazırda davam edən danışıqlar prosesində Azərbaycanın üstün mövqe qazanmasını şərtləndirdi. ATƏT-in Minsk Qrupunun üzvləri və digər rəsmi şəxslərlə keçirilən görüşlərdə Prezident İlham Əliyev bir daha Azərbaycanın münaqişənin tənzimlənməsi istiqamətində 20 ildən çox müddətdə danışıqlar apardığını, sülh prosesinə sadiq olduğunu, atəşkəs hadqa əldə olunan razılaşmaya riayət etdiyini və münaqişənin tezliklə nizamlanmasının vacibliyini qeyd etdi

Xəyal Abdullayev – İlk addım fəlsəfəsi

Автор: INTIQAMADMIN от 8-04-2016, 23:46
Xəyal Abdullayev – İlk addım fəlsəfəsi
Ola bilər deyə bilərsiniz ki, bu ilk addım fəlsəfəsi də hardan çıxdı??

Yeganə:"Bir layla altında uyutmaq olmur"

Автор: NIGAR1 от 8-04-2016, 19:34
Yeganə:"Bir layla altında uyutmaq olmur"


SƏNDƏN AYRILMAĞA
NƏ VARIYDI Kİ..?


Səndən ayrılmağa nə varıydı ki..?
Bircə həsrətini ovutmaq olmur.
Od tutub qaralmış xatirələri
Bir layla altında uyutmaq olmur.

Elə hey söhbətin gedir yanımda,
Adını çəkirlər elə hər yandan.
Şübhə yaratmamaq üçün özüm də
Danışıb-gülürəm hələ yalandan...

Hər yeni nəğmənin sədası ilə
Təzədən qəlbimə axıb gedirsən.
Bəzən rastlaşanda dönüb üzümə
Tanımırmış kimi baxıb gedirsən.

Bu qədər çəkilməz həsrət içində
Qəlbimdən çıxarım mən Səni necə..?
Bəs etmirmiş kimi xatirələrin,
Yuxuma gəlirsən elə hər gecə.

Başımı götürüb Sənin əlindən
Bu şəhərdən hara itməliyəm mən..?
Üstəlik qaldığın evin önündən
Hər gün keçib dərsə getməliyəm mən...

************

ƏLİMDƏN GƏLSƏ...

Mənə nə olursa yerində olur,
Kor olaydım Səni gördüyüm yerdə.
Səni mənə urcah edən taleyi
Belə görüm düşsün olmazın dərdə.

Qara gəlmiş sevgim tənəyə dönüb,
Hər yandan başıma yağır eləcə.
Dilqanmaz xəyallar tutub yaxamdan
Canımı boğaza yığır eləcə.

Mənə nə olursa yerində olur,
Özüm şadlığımı qəmə dəyişdim.
Hələ mən ağılsız, mən arsız bəndə,
Gör kimi götürüb kimə dəyişdim...

Nə bilim, bəlkə də belə yaxşıdır,
Bəzən sevinc özü möhnətdən gəlir.
Əsəbi-əsəbi ağlamağım da,
Məhəbbətdən deyil, nifrətdən gəlir.

Belə yanmazıydım bu ayrılığa,
Lap elə ən ağır ölümdən gəlsə.
Eh...nə isə...bircə onu bilirəm -
Səni yada salan xatirələrin
Qanını içərəm əlimdən gəlsə...

QOBUSTAN DÜNYA KULİNARİYA MƏDƏNİYYƏTİNİN BEŞİYİDİR

Автор: analoaz от 7-04-2016, 14:30
QOBUSTAN DÜNYA KULİNARİYA MƏDƏNİYYƏTİNİN BEŞİYİDİR
Qobustanda və Azərbaycanın digər bölgələrində qaya, daş üzərinə, balıq,heyvan rəsimləri, balıqçılıq, ovçuluq səhnələri burada yaşayan insanların qida əldə etmə yollarını göstərsə də müxtəlif gilimlərin təsiri altında biz həmizamanlar bəsit yeməklərin olduğunu düşünür, 37 min il bizdən öncə yaşayan əcdadlarımızı vəhşi, yöndəmsiz, kobud kimi təsəvvür edirik.Qobustanda və Azərbaycanın digər yerlərində tapılmış bezoar keçi rəsmləri çox qəribə, sensasiyalı, öncə inanılmaz görünən bir fikrə gətirir. Bezoar keçilərin üzərindəki xətlər rəssamlıq nöqtüyi nəzərindən rəsmi güc ləndirməyib, onun təbii estetik görünüşünü korlayır.Ədəbiyyatdan və Qobustanla məşğul olan alimlərin söhbətlərindən, bu xətlərin nə olduğu, onun səbəbləri barədə məlumat ala bilməsək də ilk baxımdan bu xətləri haradasa gördüyümü düşünürdüm.Amma yadıma düşdükdə, fikrin ağılasığmazlığı məni bir qədər saxladı.Düşünüb, müqayisə edib, araşdırdıqca bu fikrin düzgünlüyünə daha çox inam yarandı. Fikrin ağılasızmazlığı ondan irəli gəlir ki, 37 min il öncə yaşamış insanın heyvan ətinin kulinariya məqsədi ilə çox dəqiq bölümünü verməsi inanılmaz
görünür. Bezoar keçilərinin ətinin morfoloji struktura görə bölümü insanlarda çox yüksək mətbəx mədəniyyətinin mövcudluğundan xəbər verir, mətbəxdə açıq
ocaqda bişirilmiş, yağda, piydə qızardılan, suda bişirilən, uzun müddət suda bişirilən, döyülmüş ətdən bişirilən və s. xörəklərin mövcudluğundan, artıq mükəmməl qida texnologiyalarının formalaşmasından xəbər verir. Ət əldə etməklə bərabər, onu düzgün kulinar məqsədlərə istifadə etməyi bacaran insanlar, yəqin ki, daha asan yolla əldə oluna bilən mənşəli məhsulları da toplayıb istifadə edə bilirdilər. Həm bitki, həm ət məhsullarının yabanı dad verən otlarla (məsələn, yarpız, kəkotu, mərzə və s.) birgə bişirilə biləcəkləri də şübhə doğurmur.Bu gün də dünyada kulinarlar heyvan ətini müxtəlif hissələrə bölürlər.Daha yağlı, yumuşaq tikələr qızartmaya, kobud hissə vətərlərin çox olduğu hissə suda bişirməyə, qarın altı hissə (miyəntək) döyülməyə və s. məqsədlərə yönəldilir. Məsələn SSRİ – Ticarət Nazirinin 12. 12. 1980 il 310 saylı Qərarı ilə təsdiq edilmiş, ictimai iaşə müəssisələri üçün standart kimi qəbul edilmiş Ukrayna İctimai İaşə Elmi Tədqiqat İnistitu ilə SSRİ Ticarət Nazirliyinin İctimai iaşə idarəsi tərəfindən birgə hazırlanmış, “İctimai iaşə müəssisələri üçün reseptlər məcmuəsi” kitabından mal ətinin standart bölümü ilə 37 min il üncə yaşamış insanın ət bölgüsünün üst-üstə düşməsi təəccüb doğurmaya bilməz. Bezoar keçilərinin üstündə xətlər olan rəsm ilə (şəkil 1. 2) müasir İnstitutlar tərəfindən işlənmiş standart əl bölgüsünü (şəkil 3.) bir-biri ilə tutuşdurduqda biz tam eyni mənzərəni görürük. İlk baxışda şəkildə gözə görünən fərqlər –mal əti bölgüsündə ayaqların qabağa və arxaya çəkilməsi, Bezoar keçilərin isə dik ayaq üstə durmasından bölünmüş hissələri ilə bağlı irəli gəlir.Biz asan görünsün deyə Bezoar keçilərin üzərindəki xətləri də müasir mal əti bölgüsündə olan eyni qayda ilə rəqəm və hərflərlə işarələdik.Mal və ov heyvanı olan bezoar keçilərinin ətləri arasında müəyyən fərqlər olacağını mal əti bölgüsündə (şəkil 2.) qol, bud altı və can əti hissələrinin də sxematik şəkillərinin verildiyini nəzərə alsaq rəsmlərin tam identik (oxşar) olduğunu görürük.Biz Bezoar keçilərinin rəsmində düz kəsilmiş ayaq hissələrini əlavə olaraq XI rəqəmi ilə işarələdik. Bu hissələr daha uzun müddətli xaşlanmaya gedir və “xaş” kimi xörək bişirilməsinə yönəlir. Bundan başqa Bezouar keçiriləndə ətin hissəsi 2 yerə bölünüb, onları biz 1 və 2 kimi verdik. Zənnimizcə belə bölüm əzələlərin 1 hissəyə nisbətən daha işlək olduğundan bu hissədəki ət nisbətən daha bərk ola bilərdi. Ev heyvanlarında çox da fərqlənməyən bu hissə
vəhşi heyvanlarda daha bərk olduğundan fərqlənə bilər. Bizim üçün ən çox maraq doğuran hissələrdən biri VIII hissə, yəni miyəntək ətin ən çətin bişən rezinləşən hissəsidir. Bu hissələr indi qiymə kütləsinin hazırlanması üçün istifadə edilir. Bu texnologiyanın çox da dərin tarixə malik olmadığı düşünülür.Bəzi xalqlara məsələn ermənilərə döyülmüş ətdən hazırlanan xörəklərin türk mətbəxindən yaxın tarixdə əxz edildiyi də yazılır (Q.A.Dubovis «Armyanskaya kuxnya» Moskva AST, Xarkov, Ukraina, Folio, 2003). İndi də bir çox evlərdə ət daha çox ət maşını ilə deyil, qiyməkeşlə hazırlanır. Lakin belə çox vətərli ətin yalnız qiyməkeşlə deyil, iki çay daşı arasında Qobustan dünya kulinariya mədəniyyətinin beşiyidir döyülməsi, əzilməsi texnologiyaları bəzi evlərimizdə bu gün də yaşamaqdadır, ağac, daş, dəmir həvəngdəstələrin bu məqsədlə istifadəsi də mümkündür.V hissə isə (can əti, şirin ət) ətin yumşaq, keyfiyyətli, tez bişən, daha çox qızartamaya gedən hissəsi olduğundan qədim kulinar onu (içəridə yerləşsə də) rəsmin üzərində göstərmişdir. Beləliklə, Qobustanda və Azərbaycanın digər bölgələrində tapılmış Bezoar
keçi rəsmlərinin üzərindəki xətlər onu göstərir ki;

1. Bezoar keçi rəsmlərində xətlər çəkmiş insanlar çox yüksək kulinar
biliklərə malik idilər.

2. Azərbaycan bu gün dünya kulinariya mədəniyyətinin başlandığı yer
kimi göstərilə bilər.

37 min öncə burada yaşayan insanlar dünyanın indiyə qədər məlum olan
ən ilk və mükəmməl kulinarlarıdırlar.

3. Döyülmüş ətdən bişirilən xörəklər ilk dəfə Azərbaycan ərazisində bişirilib,
buradan yayılıb.

4. Xaş xörəyinin tarixi də, başlanğıcı da 37 min il öncəyə çəkir.

5. Azərbaycan ərazisi dünya Kulinariya Mədəniyyətinin və kulinariya elminin
beşiyidir.

6. Bezoar keçilərinin xətlənmiş rəsmləri həm ölkəmiz, həm də dünya
mətbəx tarixi abidələri kimi qorunub saxlanılmalıdır.
Mənbə
Tahir Əmiraslanov
"SÖZ MƏTBƏXİ" kitabı

Bakı bağları - paytaxtın ötən çağları

Автор: analoaz от 6-04-2016, 00:21
Bakı bağları - paytaxtın ötən çağları
Aytən AYDINQIZI,
filologiya üzrə fəlsəfə doktoru

Ulu öndər Heydər Əliyev demişdir: “Ağac kəsən bilsin ki, mənim qollarımı kəsib”.

Bakı şəhərinin bu günümüzə çatan gözəlliyini artıran, qədimliyini qoruyub saxlayan və həm də gündən-günə yeniləşən, gözəlləşən bağları, parkları və xiyabanlarıdır. Təəssüfləndiricisi o idi ki, da 70 illik sovet rejimində “Qubernator bağı”, “Parapet”, “Malakan bağı” və s. öz milli adlarına həsrət qalmışdılar...
Bakıda ən köhnə bağ 1830-cu ildə salınıb ki, o zamanlar “Qubernator bağı” adlandırılıb. Keçmiş sovetlər dövründə isə yenidən adı dəyişdirilərərk “Pioner bağı” qoyulub. Paytaxt sakinləri və şəhərimizin qonaqları onu bu gün “Filarmoniya bağı”kimi tanıyır. Bu gözəlliyin maraqlı tarixi var. Belə ki, İrandan və Lənkərandan Bakıya gələn gəmi sahibləri, kapitanları Bakı şəhər komendantının göstərişi ilə bir neçə çuval qara torpaq gətirib bağa verməli idilər. Göstərişə tabe olmayanlar hətta cərimələniblər.

Park-bağda zeytun, tut, qarağac, şam, akasiya əkilib. Salınan çiçəklik və zaman-zaman forması dəyişdirilən çarhovuzlar bura xüsusi gözəllik verməklə yanaşı, parkı həm də əsl istirahət yerinə çevirirdi. Bu, əslində, Bakı bağçılığının ilkin formalaşması sayılırdı. Yüksək rütbəli məmurlar, neft sahibkarları - milyonçuların diqqətinə səbəb olan, gündəlik sevimli məkanlarına çevrilən bu bağda təəssüf ki, əhali yalnız həftədə bir dəfə gəzə bilərmiş.

XX əsrin əvvəllərində kolluqlardan təmizlənən, lakin su çatışmazlığına görə əhali arasında “quru bağ” kimi tanınan “Parapet”ə sovetlər dövründə “Marks bağı” deyiblər. Bu gün isə “Fəvvarələr bağı” adlanır. Haqlı olaraq bu bağın “lalə” dövrü yaşadığını söyləyirlər. XIX əsrin yetmişinci illərində “Malakan bağı” yeraltı suyun şorluğu və torpağının gilliliyinə görə buradakı yaşıllıq məhv edilirdi. Sovetlər dövründə “9 Yanvar” adlanan daha bir kiçik bağ-park var idi ki, bu gün “Sonalar gölü”nə çevrilib və gözəlliyi, öz orjinallığı ilə göz oxşayır.

Bakı milyonçusu H.Z.Tağıyevin təşəbbüsü ilə 1895-cı ildə “Axşam bazarı” adlı bir bağ salınıb. Dəmir Yolu vağzalının yaxınlığındakı bu istirahət parkı Səməd Vurğun bağıdır. Daha maraqlı bir məqam da ondan ibarətdir ki, o zamanlar H.Z.Tağıyevin təşkilatçılığı ilə, bir çox Bakı milyonçuları şəhəri abadlaşdırmaq üçün atlarla, dəvələrlə, faytonlarla münbit torpaq daşıdıblar. Bağçılığın inkişafına təkan verən “Bağbanlar məktəbi” isə H.Z. Tağıyevin təşəbbüsü ilə 1895-ci ildə Mərdəkanda fəaliyyətə başlayıb. 1909-cu ildən salınan, Bakının hüsnünə yaraşıq olan Dənizkənarı park bu gün nəinki şəhər sakinlərinin, eləcə də paytaxtın əcnəbi qonaqlarının da əsl istirahət yerinə çevrilib.

Şəhərdə yaşıllığa düzgün qulluq etmək üçün su qıtlığı olduğundan, bu problemi də H.Z.Tağıyev həll edib. 1916-1917-ci illərdə Bakıdan 190 km uzaqlardan “Şollar” suyunun çəkilməsi əhali üçün böyük sevinc və həyati dəyişiklik olub. Əhali sevinclərindən çoxlu ehsan süfrələri verir, alqışlarla xeyir- dua edib. Bu möhtəşəm hadisəni davam etdirən ümumilli liderimiz Heydər Əliyev sovetlər dövründə Kür çayından Bakıya kəmərlərin çəkilməsinə nail olub.
2007-ci ildə Heydər Əliyev Fondunun prezidenti, millət vəkili Mehriban xanım Əliyevanın “Hərəmiz bir ağac əkək!” hərəkatına da ilk gündən ictimaiyyət böyük həvəs və istəklə, həm də kütləvi şəkildə qoşuldu. Bu xeyirxah və nəcib təşəbbüs nəticəsində ölkəmizdə saysız-hesabız tinglər basdırıldı. Laçınlıların müvəqqəti məskunlaşdığı Qayğı və Taxta körpü qəsəbələrində 15 mindən çox, ümumilli liderimiz Heydər Əliyevin 85 illiyi ilə bağlı Yeni Azərbaycan Partiyası üzvləri isə Bakının Bayıl yamacında 5 minədək ağac əkdilər. Bu kampaniya yalnız Bakıda deyil, ölkənin bütün bölgələrini bürüdü. 2008-ci ildə Salyanda “Ümumilli liderimiz Heydər Əliyevin 85 illiyinə 85min ağac əkək” devizi altında iməcliklər keçirildi.

2009-cu ilin sentyabrında BMT-nin mənzil qərərgahındakı ekoloji məsələlərə dair zirvə toplantısında təşkilatın baş katibi Pan Gi Mun Yer kürəsinin gələcəyi barədə narahatlığını bildirərək demişdir: “Xilasımız üçün cəmi on ilimiz qalıb.” Həmin il dekabrında Azərbaycan Prezidenti İlham Əliyev və xanımı Mehriban Əliyeva paytaxtın Suraxanı rayonundakı keçmiş “Binə” ticarət mərkəzinin yerləşdiyi ərazidə aparılan yaşıllaşdırma işləri ilə tanış olub və ağac əkdilər.
Yaşadığımız canlı və cansız təbiətin qarşılıqlı münasibətlərini öyrənən ekologiyanın XXI əsrdəki vəziyyəti çox acınacaqlı olduğunu bilirik. Müxtəlif amillərin təbiət strukturunun dəyişməsi prosesi nəticəsində atmosferdə balans pozulur, oksigen ehtiyatı azalır, karbon qazı çoxalır. Tədqiqatlardan məlum olub ki, hər ağac ömür boyu 1 ton karbohidroksid udur ki, bu da insanların sağlam nəfəsi deməkdir.

Ətraf mühitin mühafizəsi və əhalinin sağlamlığı məsələlərinə daim böyük diqqət yetirən dövlət başçısı İlham Əliyevin təşəbbüsü ilə 2010-cu il “Ekologiya ili” elan olundu və bu, xalqımız tərəfindən müsbət qarşılandı. “Ekologiya ili”ndə Azərbaycanda 8 milyon 200 min ağac və kol bitkisi əkildi ki, onların 1 milyon 540 mini təkcə Bakıətrafı ərazinin payına düşür.

Dövlət başçısının ölkədə ekoloji vəziyyətin yaxşılaşdırılmasına dair 2006-2010-cu illər üçün kompleks tədbirlər planının təsdiqi və icrası Bakı və ümumiyyətlə, ölkəmizin bütün bölgələrində çoxşaxəli tədbirlərin həyata keçirilməsinə stimul verdi. Onu da deyək ki, dövlət başçısı 2010-cu il sentyabrın 17-də Heydar Əliyev adına idman-konsert kompleksində “Azərbaycan yaşıl dünya naminə” devizi altında keçirilən beynəlxalq ekologiya sərgisi ilə tanış olmuşdur.
Heydər Əliyev Fondunun vitse-prezidenti Leyla Əliyevanın təşəbbüsü ilə 14 iyul 2011-ci il tarixində start götürən “Gənclərin qlobal ətraf mühit” kampaniyası ətraf mühitin qorunmasını vacib hesab edən dünyanın bir çox ölkələrindən minlərlə gənci səfərbər etmişdir.

2011-ci il oktyabr ayında Müasir İncəsənət Muzeyində “Ətraf Mühitin Mühafizəsi üzrə Beynəlxalq Dialoq”un təşəbbüsü ilə, İDEA çərçivəsində ilk aksiya - Azərbaycanın təbiətinə və ekologiyasına həsr olunan foto-müsabiqə sərgisi zamanı Heydər Əliyev fondunun vitse-prezidenti Leyla Əliyeva demişdir: “Bu, bilavasitə ətraf mühitə dostcasına yanaşmaqdan ibarətdir... Azərbaycanın təbii müxtəlifliyi – gölləri və çayları, dağ və düzənlikləri, meşə və səhraları ölkəni qeyri-adi məkana çevirib. Bizim bir planetimiz və bir gələcəyimiz var. Bu gün biz gənclər hansı planetdə yaşamaq istədiyimizi həll etməliyik. Bu gün burada 35 ölkədən 85 nümayəndə iştirak edir. Bu, Yer kürəsinin üçdə biridir. Bu göstərir ki, biz birlikdə güclüyük.”

2012-ci il sentyabrın 26-da Heydər Əliyev Fondunun vitse-prezidenti Leyla Əliyeva 2011-ci ilin iyun 11-dən başlamış “Ətraf mühitin mühafizəsi üzrə Beynəlxalq Dialoq” təşəbbüsünün (İDEA) ölkədə növbəti ekoloji maarifləndirmə layihəsində “Yaşıl Azərbaycan naminə” layihəsi ilə Qəbələ rayonunda olmuşdur. Həm ali məktəb tələbələrinin, həm də orta məktəblərin şagirdlərinin cəlb olunduğu seminarın məqsədi ekolojı maarifləndirmənin inkişaf etdirməkdir.
13 may 2015-ci il tarixində Heydar Əliyev Fondunun vitse-prezidenti,İDEA İctimai Birliyinin təsisçisi və rəhbəri kimi “Yaşıl Marafon” layihəsi çərçivəsində Xəzər rayonunun Zirə qəsəbəsində bir milyonuncu ağacı əkib. İDEA-nın dəstəyi ilə tikilmiş istixana sahəsi 20 hektar olub, 500 gül növü yetişdirildiyi bildirilir. Hər il burada 2-3 milyon bitki və gül kökü yetişdirilir. Ümumiyyətlə, İDEA-nın ölkənin yaşıllaşdırılmasına göstərdiyi qaygı və diqqət nəticəsində son 4-5 il ərzində Azərbaycanda 4 milyondan artıq müxtəlif ağac əkilmişdir.

2015-ci il 27 may tarixində İDEA-nın təsisçisi və rəhbəri Leyla Əliyevanın baş redaktorluğu ilə “Ekoloji menecment” kitabının təqdimatı olmuşdur. “Ekoloji menecment” kitabı ümumi ekologiyanın əsasları ilə yanaşı, biosenozlar, eko-sistemlər, maddələr dövranı, ekoloji amillər, canlı aləm, qlobal ekoloji problemlər, ətraf mühit və insan sağlamlığı, cəmiyyət-təbiət və digər müasir ekoloji strategiya kimi vacib mövzuları əhatə edərək, elmi ictimaiyyətin rəğbətinə səbəb olmuşdur.
Eldən-elə, dildən-dilə gələn atalar sözümüz var: “Bağa baxarsan bağ olar, baxmazsan dağ olar”. Əkmək də əsas deyil, onu qoruyub saxlamaq lazımdır. Bakıda Azərbaycan Respublikası Təbiət Mühafizə Cəmiyyətinin ərazisində salınmış “Dendroloji park” füsünkar yaşıllıq insana ruh rahatlığı verir. Öz flora və faunası, füsünkar yaşıllıqları, əvəzsiz gözəlliyi və cazibədarlığı ilə göz oxşayan “Dendroloji park”ı qorumaq, qayğısına qalmaqda başlıca məqsəd Bakının abadlaşdırılmasına xidmətdir. Parkın ərazisinin 11 hektardan 6 hektaradək azalması sadəcə, təəssüfedicidir. Eldar şamı (“Qırmızı kitab”a düşmüş), krım şamı, sərv, ağ akasiya, qədim palıd, hətta manstero adlanan xarici kökənli ağaclar və s. kəsilmiş, məhv edilmişdır. Əvvəllər mövcud olmuş 1325 ağacdan 500-ə yaxını, 103 ədəd kol cinslidən (tuya, tulğun, zoğal, ispan “naz-naz”ı, suriya gülü və s.) 200-dək qalması, əlbəttə, ürəkaçan fakt deyil. Yaşıllıqda yaşayan nadir, nəsli kəsilməkdə olan “Qarsu zanbağı”, adi və üçtinli qamış belə məhv edilmişdir.

Bunlar az imiş kimi, faunası – göyrəçin, qaratoyuq, qırğı, qaranquş, su fərəsi, qağayı, sığırçın, şanapipik və amfibiyalardan “Qırmızı kitab”a düşmüş suriya sarımsaq iyli qurbağa, aralıq dəniz tısbağası, bataqlıq tısbağası, yunan qurbağasının bu gün adı qalmaqdadır. Bu gözəlliyi qorumaq, ağaclar əkmək, yaşıllığı artırmaq hər bir birimizin vətəndaşlıq borcu olduğu kimi, həm də ümumili liderimiz Heydər Əliyevin bugünkü və gələcək nəsillərə əbədi tövsiyyəsi və vəsiyyətinə əməl etmək deməkdir.

Müqəddəs Marçellinio və Pietro katakombaları multikulturalizm üfüqündə

Автор: INTIQAMADMIN от 5-04-2016, 17:46
Müqəddəs Marçellinio və Pietro katakombaları multikulturalizm üfüqündə
Elgün RÜFƏTLİ,
Latviya Respublikası Lusofona Universitetinin beynəlxalq əlaqələr fakültəsinin II kurs tələbəsi

Heydər Əliyev Fondunun töhfələri multikultural dünyada yüksək dəyərləndirilir

Multikultural ölkəmizin zaman-zaman dünyada üfüq kimi işıqlanan tarixi sədaları sanki qoca Avropanın miqrant problemli tolerantlıq dəyərləri ilə sınağa çəkilərək taleyüklü ağır əsrin çətinlikləri ilə üz-üzədir. Avropada təhsil alan tələbələr bu prosesləri daha yaxından izləyib, müzakirə edib, münasibətimizi bildiririk.
Məlum olduğu kimi, Avropada bəzi dövlətlərin köməyi ilə ərəb dünyasına tətbiq olunan süni sosial inqilablar, zorakılıq, qəddarlığın nəticəsi olaraq çəhrayı çevrilişlər müsəlman ölkələrində həyat təhlükəsi yaratdılar. Ümumiyyətlə, ancaq öz tarixi ənənlərinə, dəyərlərinə söykənərək dövlətlər, cəmiyyətlər, xalaqların yaşaya bilməsi və tərəqqisi faktı danılmazdır.

Ümumilli liderimiz Heydər Əliyev mədəniyyətlərin, dillərin, dinlərin dialoquna sabaha bir körpü, gələcəyin açarı kimi ölkəmizdə düzgün istiqamət verdi. Azərbaycan Prezidenti İlham Əliyev isə 2015-ci ili “Multikulturalizm ili” elan etməklə həmin humanitar siyasətin alternativi olmadığınıtəsdiqləmiş oldu.

Bu günlərdə Portuqaliyanın məşhur “Dnoticias.pt” portalında Bakı Beynəlxalq Multikulturalizm Mərkəzinin Lissabon nümayəndəliyinin rəhbəri, Lusofona Universitetinin beynəlxalq əlaqələr departamentinin direktoru, professor Terasa Damasionun təmsil etdiyi ali təhsil müəssisəsində “Azərbaycan multikulturalizmi” fənninin tədrisinin müdavimlər tərəfindən çox maraqla qarşılandığını qeyd etmişdir.

Xalqımızın tarixən formalaşmış multikultural ənənələrini inkişaf etdirən hazırkı hakimiyyət ölkənin azyaşlı xalqlarının mədəniyyətini, dilini, adət-ənənlərini qoruyub saxlamaqla işıqlı yolu düzgün istiqamətləndirir. Azərbaycan multikulturalizmini dünyaya çatdıran Heydər Əliyev Fondunun prezidenti, Milli Məclisin üzvü Mehriban xanım Əliyevanın fəaliyyəti dünya azərbaycanlıları tərəfindəndən də rəğbətlə qarşılanmaqdadır.

Qədim tarixi və memarlıq baxımından xüsusi yeri olan Vatikandaki müqəddəs Marçellinio və Pietro katakombaları ən qədim xristian abidələri sırasındadır. Əvvəllər Romada müqəddəs Sebastian kilsəsinin altında yerləşən dəfn qalereyalarına katakombalar deyilirdi. İlkin xristianlıq dövründə ən məşhur katakombalar Italyada olub. Tarixi mənbələrə əsasən katakombalar II-IV əsrlərdə xristianlar tərəfindən dini ayinlərin icrası və dəfn mərasimləri üçün istifadə olunub. Məlumata görə, Romadaki katakombalar çox qədim şəbəkəyə malik olub, uzunlugu 150-170 kilometr təşkil edir. Burada 750 minə yaxın insan dəfn olunub.

İnsanların burada cəmiyyətdəki mənsubiyyəti, vəzifəsi və s. mövqeyinə görə dəfn olunurdular. Roma katakombalarının ziyarətçilərinin sayı IX əsrdən azalmağa başlayıb.600 il onlar haqqında məlumat olmayıb. 1578-ci ildə (XVI əsr) qazıntı aparan fəhlələr təsadüfən üzərində yazı və şəkillər olan daş plitələrə rast gəlir. Bununla Roma katakombalarının mövcudluğu ictimaiyyətə yenidən məlum olur və tədqiqatçıların tədqiqat obyektinə çevrilir.

Müqəddəs Marçellinio və Pietro katakombalarının multikulturalizm yolunda dünya xristianların təşəkkür kölgəsi Heydər Əliyev Fondunun təşəbbüsü ilə Vatikanda bərpa edilən müqəddəs Marçellinio və Pietro katakombalarının açılışında Azərbaycanın birinci xanımı, Heydər Əliyev Fondunun prezidenti Mehriban Əliyeva bərpa ilə bağlı təqdimat mərasimində iştirak edərək demişdir: “Asiya və Avropa arasında yerləşən ölkəmizin mədəni müxtəlifliyinə bu coğrafi yerləşmə öz təsirini göstərib. Tarix boyu bu qədim torpaqda müxtəlif dinlərin, mədəniyyətlərin etnik qrupların nümayəndələri sülh, qardaşlıq və hörmət şəraitində yaşayıblar. Minilliklərlə formalaşan bu ab-hava Azərbaycan cəmiyyətində qorunub saxlanılıb. Azərbaycan bu gün çoxmillətli, çoxkonfessiyalı ölkədir və yenə də tolerantlıq və dözümlülük ideyaları cəmiyyətdə çox güclüdür. Ölkəmizdə heç vaxt dini zəmində qarşıdurma olmayıb və olmayacaqdır”.

Vatikanın Mədəniyyət üzrə Pontifik Şurasının sədri kordinal Sanfranko Ravazi Müqəddəs Marçellinio və Pietro katakombalarının məhv olmaq təhlükəsi ilə üzləşərkən onların bərpası ilə bağlı bütün dünya xristianlarına müraciət etdiyini, lakin müsbət cavab almadığını, qeyd edərək, “Yalnız Heydər Əliyev Fondunun bu çağırışına cavab verdi”,-demişdi. O da bildirilir ki, Roma katakombalarının bərpası Heydər Əliyev Fondu ilə Müqəddəs Taxt-Tac arasında 2012-ci ildə imzalanmış ikitərəfli sazişə əsasən həyata keçirilir.

İtalya mətbuatı və ictimaiyyəti tərəfindən Fondun bu addımı mədəniyyətlərarası, dinlərarası dialoqun inkişafına ən önəmli töhfələrdən biri kimi qiymətləndirilir. Ona görə də xüsusən Avropada yaşayan soydaşlarımız, tələbə-gənclərimizin bu günlərdə keçirdiyi ali hisslər sözə gəlməz. Çünki İtalyanın və Vatikanın aparıcı KİV-ləri bu hadisəni möhtəşəmliklə işiqlandırmışlar. “Avvenire” və “Nes.va” qəzitinin sayitlarında,”Roma Sette” informasiya portalında yerləşdirilmiş yazıda Azərbaycanın birinci xanımı Mehriban Əliyevadan statlar gətirilib: “Bizim ən böyük dəyərimiz ölkəmiz və müxtəlif dinlərin bir arada mövcudluğudur”. Bu sıraya İtaliyanın “La Republica” qəzetinin saytında yer alan geniş məqalə də əlavə edilə bilər. Vatikanda dini xəbərlərin yer aldığı ən nüfuzlu qəzetlərdən olan “LˊOsservatore Romano”da kardinal Ravazinin bu möhtəşəm tarixi hadisəyə müsbət münasibət bildirən məxsusi yazısı yer alıb.

“Roma Sette” informasiya portalında, katolik xəbər agentliyi kimi tanınan “ACİ stampa” media qrumunun saytında xristian mədəniyyətinə verilən bu tarixi olay ətraflı işıqlandırılıb. Avropada yaşayan biz tələbə-gənclər böyük qürurla izlədiyimiz “Vatikan radiosu”nun rus dilli saytında Heydər Əliyev Fondunun prezidenti Mehriban xanım Əliyevanın Vatikana səfərinə həsr edilmiş məqaləsi və Vatikan radiosuna müsahibəsi də yer alıb.

Əli bəy Hüseynzadənin qızı Qarabağda baş verənlərdən DANIŞDI

Автор: NIGAR1 от 5-04-2016, 13:18
Əli bəy Hüseynzadənin qızı Qarabağda baş verənlərdən DANIŞDI"Azərbaycan ürəyimdədir, Qarabağ azad edilsin"…

Bunları XX-əsr Azərbaycan-türk ictimai fikrinin görkəmli nümayəndələrindən olan, alim, rəssam, jurnalist Əli Bəy Hüseynzadənin İstanbulda yaşayan qızı, rəssam Feyzavər Alpsar deyib. F.Alpsar deyir ki, Türkiyədə doğulub, İstanbulda yaşasa da, vətəni Azərbaycandır: "Azərbaycanla bağlı xəbərləri hər gün oxuyuram. Və son olanlar haqqında onu demək istəyirəm ki, mən siyasətçi deyiləm, siyasətin dərinliklərini çox yaxşı bilmirəm. Bütün hallarda cəbhə xəttində baş verən hadisələrdə Azərbaycana uğurlar arzu edirəm! Qarabağ azad olsun…Son nəticəni həvəslə gözləyirəm… Azərbaycana salamlar! "

Nigar İsmayılqızı
Türkiyə, İstanbul

MӘCLİSİN DUZU

Автор: NIGAR1 от 5-04-2016, 12:30
MӘCLİSİN DUZU

Üzeyir Hacıbəyov

Mәn çox mәclislәrdә olmuşam vә çox nitqlәr eşitmişәm vә çox fikirlәr etmişәm vә fikrimin axırı bir yana çıxmayıb vә mәәttәl qalmışam.

Mәsәlәn, mәclis ümumi bir mәclisdir. Burada hәr cürә adamlar vardır. Stol hazır olur. Zakuska ortalığa qoyulub, butılkalar saldat kimi düzülür. Әhli-mәclis yığılır stolun başına. Yemәkdәn qabaq әvvәlcә bir tamada seçilir. Hәrçәnd tamada seçilmәyin özü dә böyük bir mәsәlәdir, amma mәn onu müxtәsәr keçirәm.

Bәli, tamada әmr edir ki, fincanlar şәrabla dolsun. Әhli-mәclis kamali-diqqәtlә qulaq assın, çünki Sәdi buyurubdur ki, müstәme sahibsüxәn ra bәr sәrekar avәrәd.

Tamada başlayır:

-- Hәzәrat, mәn bir neçә kәlmә söz ilә....

-- Xeyir a, tamadanın sözlәrini yazsaq, qәzetdә yer qalmaz, Qoy müxtәsәrini әrz elәyim: Tamadanın nitqindәn bu çıxır Danışanı dinlәyici ruhlandırar. ki, dünyada Rüstәm Zal kimi pәhlivan ola bilmәzdi. Bәs mәclisimizә zinәt verәn Mәşәdi Mәrdan dәxi bizim әsrimizin Rüstәm pәhlivanıdır, yәni qoçudur, içәk onun sağlığına.

Bu halda әhli-mәclisdәn bir nәfәr "ata sәrçә" yerindәn cәld qalxıb çığırır ki, "Camaat, dayanın. Tamada izn verir, bir-iki kәlmә dә mәn artırım".

Tamada izn verir vә "ata sәrçә" deyir:

-- Camaat, hәmin Mәşәdi Mәrdan cәnablarını bәlkә sizdәn tanımayan ola. Mәn bunu sizә bildirirәm ki, bu cәnabın igidlikdә vә qoçuluqda misli yoxdur. Onun әllidәn yuxarı düşmәni var idi, hamısını öldürdü. Mәşhur Mәşәdi Qurban qardaşlarını bazarda öldürәn dә hәmin bu cәnabdır. Odur ki, bu istәkanı onun sağlığına içib, dibini öpürәm. "Ata sәrçә" dediyini elәyib, sonra aram olur.

Әvvәldә mәn fikir edirdim ki, yaxşı, hәrgah bu tәrif olunan cәnab adam öldürәn vә başkәsәndirsә, onda bunun yeri Sibirdir vә ya dar ağacıdır. Bәs necә olur ki, hәlә onun sağlığına şәrab da içilir?

Tamada gözlәrini bir nöqtәyә dirәyib, fikrә mәşğuldur. Görünür ki, ikinci nitqi hazırlayır. Filvaqe tamada bir dә stәkanları doldurub, bu sәfәr bir bәy haqqında danışır vә tәklif edir ki, onun sağlığına içilsin. Hal belә ikәn ikinci "ata sәrçә" cәld yerindәn qalxıb, ba izni-tamada deyir:

-- Hәzәrat, hәmin bu bәy cәnabları cәmicümlәtanı ikicә il qorodskoy işkullada dәrs alıbdır Amma bainhәmә bu gün advokat, pirkurur, sudya vә bunun kimi böyüklәr mәclisindә o qәdәr oturubdur ki, bu saat urusun zakonunu әzbәr bilir. Odur ki, bu gün götürüb bizim birimizdәn bir әrizә yazıb içәriyә göndәrsә, sizi inandırıram ki, günü bu gün hәmin adamı samsim Sibirә göndәrәrlәr. İçirәm bu badәni bәyimizin sağlığına. Oxay....

İndi mәn yenә fikir edirәm. Hәrgah bu bәy doğrudan da, danos yazıb, xalqı Sibirә göndәrirsә, heç yaxşı adam olmaz. Bәs necә olur ki, bunun sağlığına şәrab da içilir?

Tamadaya göz yetirib görürәm ki, üçüncü nitqi daha da hündürdәn hazırlayıbdır, çünki tәsiri-şәrab dәxi kömәk etmәkdәdir. Bәli, әmr gәlir, boşalmış stәkanlar tәzәdәn dolur. Tamada әhli-mәclisdәn bir taciri tәrif edir. Nitq tamam olan kimi, üçüncü "ata sәrçә" yerindәn qalxıb, tamadanın nitqinin dalısını uzadır. "Ata sәrçә" deyir:

-- Hәzәrat, haman bu tacir bu gün küçә vә bazarda arşın malı satanlardan degil, ha! Bu cәnab optum satan adamlardandır vә özünün dә bu gün Mәsko şәhәrindә o qәdәr etibarı var ki, günü bu gün gedib Morozova vә ya bir qeyri fabrikanta deyә ki, Vasiliy Fyodoroviç, mәsәlәn, Kәrbәlayı Cәfәrin işi pis keçir, ona mal buraxma. Bir dә görürsәn ki, Kәrbәlayı Cәfәrin krediti bağlandı. Yalan deyirәmsә atam o dünyaya it sifәtindә gәlsün. Ona binaәn, içirәm çaxırı tacirimizin sağlığına vә kәsrәti-mәhәbbәtdәn gәrәk, sәn ölәsәn, sәnin üzündәn öpәm, Mәşәdi Bağır",-- deyib, qonşusunu qucaqlayır. Qonşusu deyir ki, "Balam, daha mәni nә üçün öpürsәn, get, taciri öp!"

Mәn dә fikir edirәm ki, yaxşı, hәrgah bu tacir, xalqın kreditini bağlayandırsa, yaman adamların birisidir, daha bunun sağlığına içmәk nә üçün?

Sonra gәlәn nitqlәrә qulaq asıb görürәm ki, mәclisdә daha elә qabili-ehtiram adam yox imiş vә "ata sәrçә"lәr dәxi cik-cik elәmirlәr. Bәs axırda mәlum olur ki, bizim mәclisimizin duzu üç nәfәrdir: biri başkәsәn, biri danos yazan vә biri dә mәrdümәzar oğlu mәrdümәzar.

QARABAĞIMIZ

Автор: NIGAR1 от 4-04-2016, 23:38
QARABAĞIMIZ

Anar Hüseynli yazır

Azərbaycanın demokratikləşməsi , insan hüquq və azadlıqlarının təmin edilməsi , Kreml Bakının Qərblə yaxınlaşmasına atəşkəsin pozulması ilə cavab verir. Rusiya dəfələrlə göstərib ki, istədiyi halda heç bir müqaviləyə əsaslanmadan öz hərbi qüvvələrindən istifadə edə bilər.
Beynəlxalq aləmdə vəziyyətimiz xeyli yaxşılaşıb. Yenidən siyasi məhbuslara, insan haqlarına və s nəzər etsək, bir daha beynəlxalq aləmdə nüfuzum artar və dostların sayı çoxalar. Biz bu təxribatı fürsətə çevirməliyik.

Müharibə deyəndə cəmiyyətimizdə əksərən müharibənin bir hissəsi olan silahlı mübarizə başa düşülür. Bu bəsit və yanlış təsəvvürdür. Peşəkar nöqteyi-nəzərdən müharibə biribiri ilə sıx bağlılıqda olan siyasi, iqtisadi, təbliğati və silahlı mübarizə növlərindən ibarət, öz daxili səbəb-nəticə əlaqəsi, amansız məntiqi və qanunları olan mürəkkəb hərbi- siyasi hadisədir

İŞĞAL OLUNMUŞ RAYONLAR

Ağdam – 1993-cü il iyul ayının 23-dən Ermənistan silahlı qüvvələri tərəfindən işğal olunmuşdur. Qarabağ silsiləsinin şimal-şərq ətəklərində,Kür-Araz ovalığının qərbindədir.

Cəbrayıl – 1993 cü ilin avqust ayında Ermənistan ordusu tərəfindən işğal olunmuşdur. İqtisadiyyatında üzümçülük, heyvandarlıq və taxılçılıq əsas yer tutur.

Füzuli – 1993-cü ildən ərazinin bir hissəi Ermənistan silahlı qüvvələri tərəfindən işğal edilib. Ən iri yaşayış məntəqələri Füzuli şəhəri, Horadiz şəhər tipli qəsəbəsi, Böyük Bəhmənli və Horadiz kəndləridir

Kəlbəcər – 1993 –cü ilin aprel ayında Ermənistan silahlı qüvvələri tərəfindən işğal olunmuşdur. Səthi dağlıqdır, Murovdağ, Şahdağ, Şərqi Sevan, Mıxtökən, Qarabağ silsilələrinin və Qarabağ yaylasının bir hissəsini təşkil edir. Ən yüksək zirvələri hündürlüyü 3724 m olan Gamış dağları və 3616 m olan Dəlidağdır.

Qubadlı – 1993 cü il avqust ayında Ermənistan silahlı qüvvələri tərəfindən işğal olunmuşdur. Qubadlı rayonu 1933-cü ildə təşkil olunmuşdur. 1963-cü ildə ləğv edilərək ərazisi Zəngilan rayonu ilə birləşdirilmişdir. 1964-cü ildə yenidən müstəqil rayon olmuşdur.

Laçın – 1992 ci ilin may ayında Ermənistan silahlı qüvvələri tərəfindən işğal olunmuşdur. Bu rayon qərbdən Ermənistan ilə həmsərhəddir. Təbiət. Səthi dağlıqdır. Rayonun şərqində Qarabağ yamacları, şimalında Mıxtökən silsiləsi yerləşir. Cənub-qərb hissəsini Qarabağ yaylası tutur

Şuşa – 1992-ci il may ayında Ermənistan silahlı qüvvələri tərəfindən işğal olunmuşdur. 930-cu ildə təşkil edilmişdir. 1963-cü ildə ləğv edilərək ərazisi Xankəndi (Stepanakert) rayonuna (1978-ci ildən Əsgəran rayonu) verilmiş, 1965-ci ildə yenidən müstəqil r-n olmuşdur.

Zəngilan -1993 cü ilin oktaybr ayında Ermənistan silahlı qüvvələri tərəfindən işğal olunmuşdur. Rayonun ərazisində Bakı-Yerevan dəmir yolu (Mincivan-Qafan qolu ayrılır), İmişli-Laçın magistral şose yolu keçir.

Xocavənd – 1992- ci ilin oktyabr ayında Ermənistan silahlı qüvvələri tərəfindən işğal olunmuşdur. Qədim yaşayış məskənlərindən sayılan Xocavəndin ərazisi təbii sərvətlərlə – tikinti materialları və faydalı qazıntılarla, meşə zolaqları və şirin su ehtiyatları ilə zəngindir

BU İŞ BÜTÜN FOLKLOR ARAŞDIRICILARININ BORCUDUR

Автор: NIGAR1 от 4-04-2016, 23:28
BU İŞ BÜTÜN FOLKLOR ARAŞDIRICILARININ BORCUDUR
Vüqar Sədioğlu


Azərbaycan xalqının milli-mənəvi varlığının ən mühüm tərkib hissələrindən olan “Kitabi-Dədə Qorqud” dastanı ölkəmiz müstəqillik əldə edəndən sonra daha geniş təbliğ və tədqiq olunmağa başladı. Qədim xalq abidələrinin daha obyektiv, tendensiyasız, tarixi faktlar və məntiqə söykənən elmi dəlillər əsasında öyrənilməsi, araşdırılması, layiqli qiymətləndirilməsi istiqamətində irəliyə doğru atılan addımlar sistemli və ardıcıl olaraq davam etdirilməkdədir. Bütün bu işlərin təşkilində isə dövlətimizin rolu misilsizdir.

Buna misal olaraq 2000-ci ildə “Kitabi-Dədə Qorqud”un 1300 illik yubleyinin YUNESKO xətti ilə beynəlxalq səviyyədə təntənəli qeyd edilməsini xüsusu vurğulamaq olar. Bundan əlavə Azərbaycan Respublikası Prezidentinin “Kitabi-Dədə Qorqud”un alman dilində ilk tərcüməsi və nəşrinin 200 illiyinin qeyd edilməsi haqqında 20 fevral 2015-ci il tarixli sərancamı da misilsiz əhəmiyyətə malikdir.

Bu sərəncamdan sonra “Kitabi-Dədə Qorqud”la bağlı Azərbaycan Milli Elmlər Akademiyasında, Bakı Dovlət Universitetində, Azərbaycan Dövlət Pedaqoji Universitetində, Sumqayıt Dövlət Unuiversitetində, Naxçıvan Dövlət Universitetində və eləcə də qardaş ölkə Türkiyənin bir sıra elm və təhsil ocaqlarında neçə-neçə tədbirlər, elmi konfranslar keçirildi. Yeni tədqiqatlar ortaya qoyuldu, elmi jurnallarda çoxlu sayda araşdırmalar, çıxışlar və məruzələrin mətnləri dərc edildi.

Təvazökarlıqdan uzaq səslənsə də, qeyd edək ki, AMEA-nın Folklor İnstitutunun doktorantı olaraq Cəmilə Çiçəyin də iki irihəcmli məruzəsi Azərbaycan Milli Elmlər Akademiyasının Nizami Gəncəvi adına İnstitutunda “Kitabi-Dədə Qorqud”un elm aləminə məlum olmasının 200 illiyinə həsr olunmuş “EPOS VƏ ETNOS” (6-7 noyabr 2015-ci il) Beynəlxalq Simpoziumunda “Kitabi-Dədə Qorqud” dastanındakı məhəbbət motivləri ilə XX əsr Azərbaycan məhəbbət dastanlarının müqayisəli təhlili və Bakı Dövlət Universitetində keçirilən elmi konfransda “Kitabi-Dədə Qorqud” dastanında qəhrəmancasına elçilik və müasir Azərbaycan məhəbbət dastanları: oxşar və fərqli cəhətlər” maraqla dinlənirək, yüksək qiymətləndirildi.

O, “Kitabi-Dədə Qorqud” dastanındakı məhəbbət motivləri ilə XX əsr Azərbaycan məhəbbət dastanlarının müqayisəli təhlilin sərlövhəli məruzəyə görə hətta AMEA Folklor İnstitutunun direktoru, AMEA-nın müxbir üzvü Muxtar İmanovun, AMEA-nın Nizami adına Ədəbiyyat İnstitutunun direktoru, AMEA-nın vitse-prezidenti akademik İsa Həbibbəylinin və Azərbaycan Respublikasının Prezidenti yanında Bilik Fondunun icraçı direktoru, pedaqoji elmlər namizədi, dosent Səmədovun imzası ilə təşəkkür bəlgəsinə də layiq görülüb.


Burada məruzələr mövzusunun orijinallığına, qorqudşünaslıqda yeni istiqamət xarakteri daşıdığına görə alqışlanaraq, alimlər tərəfindən yüksək dəyərləndirilmişdir. Fikrimizcə, Cəmilə xanım bundan sonra da sistemli, davamlı şəkildə, dövlətimizin və möhtərəm


Prezidentimizin qayğısı altında bu istiqamətdə tədqiqat və araşdırmalarını davam etdirəcək, yeni-yeni nəticələr ortaya qoymağa çalışacaqdır. O, gözəl anlayır ki, bu iş bütün folklor araşdırıcılarının müqəddəs borcudur. Çünki bu qədim, findamental xalq abidəsinin daha dərindən öyrənilərək təbliğ edilməsinə, dünya ictimaiyyətinə və xalqımıza mahiyyətinin dürüst çatdırılmasına böyük ehtiyac var.
BU İŞ BÜTÜN FOLKLOR ARAŞDIRICILARININ BORCUDUR
BU İŞ BÜTÜN FOLKLOR ARAŞDIRICILARININ BORCUDUR
BU İŞ BÜTÜN FOLKLOR ARAŞDIRICILARININ BORCUDUR

kiosk.com.az tap az турбо аз tap.az qab qacaq turbo az oxu az oxu az xeberler www oxu xabaraz новости азербайджана mp3 yukle big az azeri bass indir yukle mp3 mp3 milli az son xeberler xabaraz radikal müxalifət milli.az Azərbaycan xəbərləri dünya xəbərləri aktual hadisələr bu günün xəbərləri BiG.Az - Böyük Azərbaycan en son xeberler Azerbaycan xeberleri 2017 müsavat siyasət iqtisadiyyat azərbaycan hadisə son xəbər dağlıq qarabağ gündəm qəzet ilham əliyev Bakı haqqin az новости ильхам алиев haqqin az азербайджан объявления интим услуг в баку погода в баку hava haqqinda melumat day az day.az Azərbaycandan və dünyadan xəbərlər - Qafqazinfo.az qafqazinfo minimum əmək haqqı 2018 anar nagilbaz porno anar nagilbaz video anar nagilbaz Xəbərlər Araşdırma Müsahibələr Reportajlar Xəbərlər Gündəm Hadisə Siyasət Cəmiyyət İqtisadiyyat İdman Dünya Video Maqazin Müsahibə Media Araşdırma Maraqlı Mədəniyyət Gülən Təhlükə Bank Biznes Enerji Əmlak Tender Vakansiya namiq caniyev a24az niyə quran onun üçün müqəddəs deyil anar nağılbazın video a 24 a24.az Yenicag.Az son dəqiqə ən son xəbər xəbər xəbəri xəbərləri yenicag yeniçağ gündüz kərimov vüqar zifəroğlu qarabag roma canli yayim yenicag zakirə zakirqızı basqın Azərbaycan Aşkın Niderlandın ofisinə bildirib şəhərində Haaqa təşkilatının diaspor Diasporrəhbəri həmçinin Afrin aparılır edilib Hazırda araşdırma əməliyyatından millətindən ardıcıl spy satellite destroyed eu doner kebab north korea missile hit own city arzu nağıyev axar/az axar.az lentaz lent az xabaraz musavat.az xeberler musavat iqtidar 134 nomreli 134 mekteb məktəb nömrəli olay bilmir söyləyir edirəm deyir bilmirəm söylədiyi xəstəsən Yaşamağa davam bilir qollarımı əməlinə qazandırmaq istəyib məktəbli deyən kəsirəm Bunları Cavidan Anasının sinif xarakterli hərəkətləri cinayət oxuyan zorakılıq aidiyyatlı bağlı orqanlara şikayət şəhər daxil hadisə vermis naziri müdafiə Dadaş Rzayevin nəvəsidir prokurorluğunda bağlı Təhsil sinfində hüquq hadisə yayıb olmuş oxuyan cinayət mühafizə əlaqədə yerləşən ayının otağında dekabr cinsi geyinmə soyunub idman zalının