Dünya

Jurnalistlərin sıx toplanmasıyla bağlı məhdudiyyətlər qoyuldu

Ağ Evin bir neçə əməkdaşının koronavirusa yoluxmasından sonra ABŞ-ın prezident administrasiyası jurnalistləri tibbi maska taxmağa çağırıb.“Qafqazinfo” xarici mediaya istinadən xəbər verir ki, Ağ Evin Jurnalistlər Assosiasiyası maskaları taxmağın məcburi olduğunu bəyan edib. Bundan başqa, KİV işçilərinə mümkün olduğu qədər uzaqdan işləməyə çağırış edilib.

Jurnalistlər Ağ Evin zallarında məsafəni gözləməlidirlər. Donald Trampla müsahibəyə buraxılan bütün jurnalistlər isə koronavirus testindən keçməlidirlər.

Ağ Evin mətbuat zonasında insanların sıx toplaşmasına məhdudiyyətlər qoyulacağı deyilib. Brifinq zallarında yer olmasa, jurnalistlərin ümumiyyətlə Ağ Evə gəlməmələri tapşırılıb.

Qeyd edək ki, vitse-prezident Mayk Pens mətbuat katibi Keti Millerin koronavirusa yoluxmasından sonra özünütəcrid etmək istəsə də, Tramp ölkənin “ikinci siması”nın məsafədən işləməsinə icazə verməmişdi.

Analoq.az

Daha çox
Back to top button
Close