Dünya

Etirazçılar prezidentin abidəsini aşırdılar

Afroamerikalı Corc Floydun Minneapolisdə polis tərəfindən saxlandıqdan sonra ölməsinin ardından ABŞ-ın bütün şəhərində başlayan nümayişlərin iştirakçıları Portlenddə ölkənin üçüncü prezidenti Tomas Ceffersonun (1801-1809) abidəsini aşırıblar.

Analoq.az xarici KİV-ə istinadən xəbər verir ki, abidə şəhərin şimalında Cefferson adına liseyə girişin qarşısında quraşdırılmışdı.

Aksiya iştirakçıları aşırılmış abidə üzərində “qul sahibi” sözləri yazıblar, abidənin kənarına isə üzərində “qaradərili qadınlar məni ruhlandırır” yazılmış plakat qoyublar.

Qeyd olunur ki, bu, Portlenddə xəsarət yetirilmiş üçüncü abidədir.

Daha çox
Back to top button
Close