İran yeni yeraltı raket bazaları yaradıb
İran Fars və Oman körfəzi sahillərində yeni yeraltı raket bazaları, həmçinin gəmi əleyhinə raketləri yerləşdirdiyini açıqlayıb.Bu barədə SEPAH-ın Hərbi Dəniz Qüvvələrinin komandanı Əlirza Tənqsiri məlumat verib.
“Düşmənlərimiz ordunun və SEPAH-ın Fars körfəzi və Mekranın (Oman körfəzinin sahili) sahilində yerləşən yeraltı raket şəhərlərinə sahib olduğunu bilirlər. Ancaq onlarda dəqiq məlumat yoxdur”, – deyə Əlirıza Tənqsiri bildirib.
“Bu gün uzunluğu 2,2 min km olan bütün (cənub) dəniz sərhədi boyu, 23 mindən çoxu hərbçi olmaqla 428 hərbi birlik var”, – deyə Tənqsiri əlavə edib.
Xatırladaq ki, İranın uzun dəniz sərhədi var, bir hissəsi Hind okeanına qədər uzanır. Eyni zamanda ölkənin Hərbi Dəniz Qüvvələrinin əsas hissəsi Fars körfəzində cəmləşib. 22 iyunda Tənqsiri İran Silahlı Qüvvələrinin Hind okeanında hərbi bazanın yaradılması işinə bu ilin sonuna qədər başlamaq niyyətində olduğunu açıqlayıb.eastnews.org
Analoq.az
