Cəmiyyət

Deputatın adına açılmış saxta profil silindi

Dünən mənim adıma saxta “Facebook” profili açılmışdı.Çox primitiv formada Daxili İşlər Nazirliyinin və polisin ünvanına saxta statuslar yazılmış və paylaşılmışdı. Mənimlə az-çox ünsiyyətdə olan şəxslər bu cızmaqaraların mənim dəsti-xəttimə, deyim tərzimə uyğun olmadığını başa düşmüş, bunun mənimlə Daxili İşlər Nazirliyi arasında qarşıdurma yaratmaq məqsədi daşıdığını mənə bildirdilər.

Analoq.az-ın xəbərinə görə, bu barədə Modern.az-a daha bir açıqlama verən Milli Məclisin İqtisadi siyasət, sənaye və sahibkarlıq komitəsinin üzvü Vahid Əhmədov bildirib ki, sosial şəbəkələrdə əvvəldə, indidə heç bir hesabı olmayıb:

“Təbii ki, mən bunu araşdırmalı idim. Bu məqsədlə Daxili İşlər Nazirliyinin rəhbərliyinə müracıət etdim və çox qısa müddət ərzində onlar tərəfindən görülmüş tədbirlər nəticəsində həmin saxta hesab blok edildi və silindi. Mən problemin opertativ şəkildə həllinə görə nazir cənab Vilayət Eyvazova və nazirliyin kollektivinə öz təşəkkürümü bildirirəm”.

Analoq.az

Xəbəri qiymətləndir
[Ümumi: 0 Ortalama: 0]

Back to top button