Mədəniyyət

Milli Dram Teatrı Koronavirusla Mübarizəyə Dəstək Fonduna vəsait köçürüb

Akademik Milli Dram Teatrı Koronavirusla Mübarizəyə Dəstək Fonduna vəsait köçürüb.

Teatrın bədii rəhbər-direktoru, Xalq artisti Azər Paşa Nemətov Analoq.az a bildirib ki, mədəniyyət ocağının rəhbərliyi və kollektivi adından martın 25-də Koronavirusla Mübarizəyə Dəstək Fonduna ianə edilib. O, rəhbərlik etdiyi teatrının kollektivi adından koronovirusdan əziyyət çəkən insanlara şəfa diləyib və insanıları özünü qorumağa, dövlətin müəyyən etdiyi qaydalara ciddi əməl etməyə çağırıb:

“Koronavirusla Mübarizəyə Dəstək Fondunun yaradılması və ora olan ianələr bizim birliyimizin, həmrəyliyimizin göstəricisidir. Bu, dövlətimizin öz vətəndaşlarının sağlamlığına böyük qayğısının bariz nümunəsidir. Həmvətənlərimiz ianələr etməyə, xəstələrə maddi və mənəvi yardımlar göstərməyə böyük istəklə qoşulurlar. İnanıram ki, dövlətimizin böyük köməyi, vətəndaşlarımızın həmrəyliyi nəticəsində bu pandemiyadan əziyyət çəkən insanlarımız tezliklə öz sağlamlıqlarına qovuşacaqlar”.

Turan Etibaroğlu
Analoq.az

Xəbəri qiymətləndir
[Ümumi: 0 Ortalama: 0]

Back to top button