Deputat Ülvi Quliyevin oğlu "Miss USSR" yarışmasına nə qədər pul xərcləyib ? -FOTOLAR
“Yeri gəlmişkən, Milli Məclisin deputatı Ülvi Quliyevin oğlu Orxan Quluzadə bir neçə il əvvəl Londonda “Miss USSR” (“SSRİ gözəli”) müsabiqəsinə bir ətək pul töküb”
Bu barədə jurnalist Cavanşir Həsənli Facebook sosial şəbəkəsində məlumat verib.
O daha sonra bildirib ki , 2017-ci ildə o, “Rubicon Production” studiyasının və Litva əsilli rus prodüser Valentina Gordeevanın prodüserliyi ilə London, Mayfairdakı bahalı və dəbdəbəli Hilton otelində keçirilən konkursun çəkilişlərinə sponsorluq edib.
https://cinando.com/en/Company/rubicon_production_132630/Detail
Nəyə görəsə müstəqil Azərbaycanın deputatının oğlu 30 il əvvəl qəbrə qoyulmuş SSRİ-nin Londonda xiffətini çəkib. SSRİ dağılanda onun cəmi 2 yaşı vardı.
O zaman İngiltərənin məşhur “İndependent” qəzeti də bu müsabiqə haqqında xəbəri “High heels, tiny bikinis and Soviet nostalgia: Why is Miss USSR happening in London?” başlığı ilə təqdim etmişdi.
https://www.independent.co.uk/news/miss-ussr-beauty-pageant-london-soviet-union-uk-a8887806.html.
O vaxt Britaniyanın Latviyadakı keçmiş səfiri, Avropa İslahatları Mərkəzinin hazırda xarici siyasət direktoru olan Yan Bond “The Independent”ə bildirmişdi ki, “bu tədbir ciddi zövqün və tarixi şüurun çatışmazlığını göstərir”.
Britaniya mətbuatı yazırdı ki, müsabiqə güclü sponsorların hesabına keçirilib, sponsorlar sırasında mənşəcə keçmiş Sovet respublikalarından olan şəxslərə məxsus şirkətlərin, o cümlədən Londondakı “Caviar House”nin adı çəkilib.
