Mobil internet baha olduğundan kəndlərimizin 20 faizinin internetə çıxışı yoxdur
Rəqəmsal inkişaf və nəqliyyat nazirinin müavini bildirib ki, hazırda 700 yaşayış məntəqəsində internet mövcud deyil. Güman ki, bu problem şəhərlərə aid deyil. Eyni zamanda, səslənən rəqəmin işğaldan azad edilmiş əraziləri də əhatə etmədiyini güman etmək olar.
Analoq.az xəbər verir ki, tanınmış iqtisadçı-ekspert Rövşən Ağayev deyir ki, həmin əraziləri nəzərə almasaq, ölkədə kənd və qəsəbələrindən ibarət 3700 yaşayış məntəqəsi var. Nazir müavinin dediyi rəqəmdən çıxış etsək, deməli kəndlərimizin 20%-nin internetə çıxışı yoxdur. Onlayn təhsilin, elektron xidmətlərin qaçılmaz reallığıa çevrildiyi müasir şəraitdə internetsiz kəndlərin sayı həddən artıq çoxdur: “Hökumət bu problemi başqa cür də yoluna qoya bilər: hazırkı çox bahalı mobil internetin ucuzlaşmasının yollarını tapmaq lazımdır. Mobil interneti çalışıb su qiymətinə etmək lazımdır. Bu halda ucqar, əhali sıxlığı az olan, heç bir provayedr üçün iqtisadi baxımdan səmərəli olmayan çox bahalı genişzolaqlı ənənəvi internet infrastrukturu infrastrukturu da yaratmağa ehtiyac qalmayacaq.
Nazir müavininin dediyi bir məqam da diqqətimi çəkdi: özəl provayderlər həmin ərazilərdə işləməyə maraqlı deyillər.
Təbii ki, maraqlı olamayacaqlar. Bölgələrdə həyat standartlarının çox aşağı olduğu, az qala natural təsərürfat münasibətlərinin hökm sürdüyü ərazilərdə xidmət iqtisadi cəhətdən səmərəsizdirsə, hansı özəl müəssə maraqlı olacaq?
Bölgələrimiz, xüsusən kəndlərimiz iqtisadi baxımdan çox geridir”.
Analoq.az
