Rusiya Ukraynanı işğal etmək üçün təxribat hərəkətləri etmək niyyətindədir
Rusiya və Ukrayna arasındakı siyasi gərginkil davam etdikcə müharibənin başlanması qaçınılmazdır.ABŞ rəsmilərinin rəsmi bəyanatlarına görə, Rusiya Ukraynanı işğal etmək üçün bəhanə axtararaq təxribat hərəkətləri etmək niyyətindədir. Pentaqonun sözçüləri bildirirlər ki, rusiyalı əməliyyatçılar Moskvaya Ukraynanı hücum hazırlamaqda ittiham etməyə imkan vermək üçün yalançı “Bayraq əməliyyatı” planlaşdırırlar. Rusiya isə bu iddiaları rədd edib. Bu, gərginliyi azaltmaq məqsədi daşıyan ABŞ-Rusiya danışıqlarından bir həftə sonraya təsadüf edir. Ukrayna cümə günü Rusiyanı onlarla rəsmi internet saytına kiberhücumun arxasında durmaqda ittiham edib. Saytlar oflayn olmamışdan əvvəl ukraynalılara “ən pisə hazırlaşın” xəbərdarlığı ilə mesaj göndərilib. Əksər saytlara giriş bir neçə saat sonra bərpa edilib.
Analoq.az xəbər verir ki , ABŞ və NATO kiberhücumu pisləyib və Ukraynaya dəstək təklif ediblər. Rusiya haker hücumuna münasibət bildirməyib. Rusiya və Qərb bütün həftə danışır, lakin müharibə riski hələ də qalır. Pentaqonun sözçüsü Con Kirbi cümə günü jurnalistlərə Rusiyanın planları barədə danışıb. “O, yalançı “Bayraq əməliyyatı” dediyimiz əməliyyatı həyata keçirmək üçün əvvəlcədən bir qrup əməliyyatçı təyin edib ki, ölkəyə girmək üçün bəhanə olaraq Ukraynada onlara və ya rusdilli insanlara qarşı hücum kimi görünmək üçün nəzərdə tutulub”.
ABŞ rəsmiləri bildiriblər ki, əməliyyatçılar şəhər müharibəsi və rusiyapərəst üsyançılara qarşı təxribat aktları həyata keçirmək üçün partlayıcılardan istifadə üzrə təlim keçiblər. Ukrayna Müdafiə Nazirliyi Moldovanın separatçı Dnestryanı bölgəsində yerləşdirilən rus qoşunlarına qarşı da oxşar aktların hazırlandığını bildirib. Kremlin sözçüsü Dmitri Peskov bu xəbərləri əsassız və “heç nə ilə təsdiqlənməmiş” kimi xarakterizə edərək cavab verib.
Ülkər Tahirqızı
Analoq.az
