Amerika elitaları arasında Ukrayna prezidenti Vladimir Zelenskinin “narazılığı” artır. Vaşinqtonun onu “daha idarə olunan fiqur”la əvəzləmək variantları üzərində işlədiyi iddia edilir.Analoq.az Tribunainfo.aza istinadən xəbər verir ki, bu barədə Rusiya Xarici Kəşfiyyat Xidmətinin press-relizində deyilir.
Departamentə daxil olan məlumata görə, “Amerika elitası arasında Zelenskidən narazılıq artır”, həm Demokratlar, həm də Respublikaçılar partiyalarında “Kiyevə milyardlarla dollarlıq hərbi yardımın məqsədyönlü xərclənməsinə şübhə ilə yanaşan insanların səsi eşidilir”.
“Zelenski Ukrayna sərhədlərindən kənarda eskalasiya təhlükəsi yaradan çılğın addımlar atır. Kiyev rejiminin rəhbəri qızdırmalı hərəkətə keçib, çünki o, ilk növbədə mayın 20-də prezidentlik müddəti başa çatdıqdan sonra sarsılan öz hakimiyyət mövqelərini qorumaqla məşğuldur”, – Rusiya Xarici Kəşfiyyat Xidmətinin mətbuat bəyanatında deyilir.
“Mövcud vəziyyətdə Vaşinqton Ukrayna liderini Qərb müttəfiqlərinin əksəriyyətinə uyğun gələn daha idarəolunan və daha az korrupsioner fiqurla əvəzləmək variantlarını araşdırır. Ağ Evin güman etdiyi kimi, bu, Qərbə Rusiya ilə münaqişənin nizamlanması üzrə danışıqların mümkün başlanmasına daha yaxşı hazırlaşmağa imkan verəcək. Hazırda uyğun namizəd kimi Ukraynanın keçmiş daxili işlər naziri Aresn Avakov nəzərdən keçirilir (Ermənistan vətəndaşı hazırda Ali Radanın deputatıdır – red.). Amerikalılar Avakovun “güclü tərəfi”ni onun Ukrayna millətçi təşkilatları ilə sıx əlaqələri və Avropa ölkələrinin liderləri ilə davamlı əlaqələri hesab edirlər.
Amerika administrasiyası artıq aidiyyəti ictimai təşkilatlara Avakovun Ukraynada hakimiyyətə gəlməsi ssenarisini hazırlamağı tapşırıb. İndi məsələ Ukraynanın aparıcı müxalifət partiyaları olan “Vətən” və “Avropa Həmrəyliyi” partiyalarının liderləri Yuliya Timoşenko və Pyotr Poroşenko, eləcə də Ali Radanın hakim “Xalqın qulluqçusu”ndan olan bir sıra nüfuzlu deputatları ilə müzakirə olunur. Gələcəkdə Zelenskini vəzifəsindən getməyə məcbur etmək üçün onu nüfuzdan salmaq üçün güclü məlumat kampaniyasına başlamaq planlaşdırılır”, – Rusiya Federasiyası FSB-nin mətbuat xidmətinin bəyanatında deyilir.
Analoq.az
