“İntihar etməzdən bir neçə gün öncə…” – Həkimin ölümü ilə bağlı YENİ DETALLAR
İyunun 27-də intihar edən tanınmış ginekoloq-həkim Xalidə Kəngərli ərindən boşanmaq ərəfəsində olub.
Analoq.az xəbər verir ki, bizim.media-nın əldə etdiyi məlumata görə, X.Kəngərli əri Rüfət Kəngərlidən boşanmaq üçün özünə vəkil də tutubmuş. İddia olunur ki, həmin vəkil həkimin ərindən boşanması üçün hüquqi sənədləri hazırlayırmış. Bildirilir ki, X.Kəngərli intihar etməmişdən bir neçə gün əvvəl vəkil ilə boşanmasını müzakirə edib.
Amma boşanma ilə bağlı sənədlər vaxt məhdudiyyətinə görə, məhkəməyə təqdim olunmayıb.
Qeyd edək ki, iyunun 27-də saat 17 radələrində 1984-cü il təvəllüdlü Xalidə Kəngərli paytaxtın Yasamal rayonu ərazisində yerləşən binanın 10-cu mərtəbəsində yaşadığı mənzilin eyvanından özünü ataraq öldürüb.
Faktla bağlı Yasamal rayon Prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanıb.
Analoq.az
