UNEC-in tələbə və müəllimləri Orhun mübadilə proqramında iştirak edəcəklər
Türk Universitetlər Birliyinə üzv olan universitetlər arasında həyata keçirilən Orhun mübadilə proqramının nəticələri elan olunub. Nəticələrə əsasən, UNEC-in 3 müəllimi mübadilədə iştirak etmək haqqı qazanıb.
UNEC-dən 525.az-a bildirilib ki, Beynəlxalq iqtisadiyyat və biznes kafedrasından Emiliya Əhmədova, İqtisadiyyat kafedrasından Təranə Şirvanova, İqtisadiyyat və işlətmə kafedrasından isə Maqsud Mirzəyev Türkiyənin Ege, Uludağ universitetlərində və Qazaxıstanın Hoca Əhməd Yassavi Universitetində mübadilədə iştirak edəcəklər.
Tələbələrdən isə TÜDİFAK maliyyə ixtisasının tələbəsi Ülkər Hacıyeva Orhun mübadilə proqramı çərçivəsində Türkiyənin Ege Universitetində təhsil alacaq.
Proqram çərçivəsində yeni tədris ilindən UNEC-ə 9 əcnəbi müəllimin səfəri gözlənilir.
