Cəmiyyət

“Yenidən sərt karantin rejiminə gedə bilərik”-RAMİN BAYRAMLI

“Bu pandemiyanın nə qədər davam edəcəyini gözləmirik”.APA-nın məlumatına görə, bunu bu gün Nazirlər Kabineti yanında Operativ Qərargahın təşkil etdiyi mətbuat konfransında TƏBİB İdarə Heyətinin sədri Ramin Bayramlı bildirib.

R. Bayramlı deyib ki, tibbi maska və sosial məsafənin – ən az 1,5 metr məsafənin qorunması vacibdir:

“Qapalı məkanlarda bu qaydalara tam riayət edilmədir. Açıq məkanlarda isə növbələr zamanı həm maska taxılmalı, həm də sosial məsafə gözlənilməlidir. Əgər yoluxma səviyyəsi artsa, yenidən sərt karantin rejiminə gedə bilərik”.

TƏBİB İdarə Heyətinin sədri qeyd edib ki, tibbi bölmə tərəfindən həftə sonları küçəyə çıxmanın məhdudlaşdırılması barədə qaydalar hazırlanıb:

“Bu həftə buna getmədik. Ancaq epidemioloji vəziyyət dəyişərsə, bu məhdudlaşmanın tətbiqi önümüzdəki həftə yenə müzakirə oluna bilər. Bir çox ölkədən fərqli olaraq, həftə sonu hərəkətə qadağa tətbiq olunmur və vətəndaşlarımız da anlayışlı olmalıdırlar”.

Analoq.az

Daha çox
Back to top button
Close