Cəmiyyət

Gənclər işğaldan azad olunmuş ərazilərə qayıtmaq istəyirmi? – Sorğu

“Məcburi köçkünlərin  98%-i yaxın gələcəkdə azad edilmiş rayonlarına

qayıtmağı planlaşdırır”.

Analoq.az xəbər verir ki, bunu Sosial Tədqiqatlar Mərkəzinin keçirdiyi “Qarabağa qayıdış”adlı sorğu hesabatın nəticələri deməyə imkan verir.

Sorğunun nəticələrinə əsasən, gənc respondentlərin 96%-i işğaldan azad olunan ərazilərə qayıtmağı planlaşdırır.

Respondentlərin böyük əksəriyyəti, yəni 83.2%-i işğaldan azad olunmuş yurd yerlərinə bütün ailə üzvləri ilə birgə qayıtmağı planlaşdırır.

Sorğuda iştirak edən məcburi köçkünlərin demək olar ki, hamısı (99%) bildidirib ki, torpaqların azad olunması onlarda nikbinlik və evə qayıtmaq əhval-ruhiyyəsi yaradıb.

Respondentlərin yarısı (51.1%) işğal altında olan ərazilərdəki evinin açarlarını, sənədlərini saxlamaqdadır. 48.9% isə saxlamayıb.

Respondentlərin 86%-i işğal altında olan, eləcə də artıq azad edilən ərazilərimizin hazırki təsvirlərini (şəkil, video və s.) görsə də, 13%-i bu görüntüləri görməyib.

Qeyd edək ki, sorğu Qobu qəsəbəsinin ərazisində mənzillə təmin olunan və faktiki yaşayan 464 məcburi köçkün ailəsi ilə telefon vasitəsilə keçirilib.

Sorğu 2020-ci il oktyabrın 9-dan 13-dək olan dövrdə keçirilib./bilgisel.az/

Xəbəri qiymətləndir
[Ümumi: 0 Ortalama: 0]

Daha çox
Back to top button