Tanınmış diktor 75 yaşını qeyd edir
Bu gün respublikanın xalq artisti, tanınmış diktor Eldost Bayram 75 yaşını qeyd edir.
25 yanvar 1947-ci ildə Kürdəmir rayonunun Çöl-Ərəb kəndində anadan olan Eldost Bayram 1965-ci ildə Azərbaycan Pedaqoji İnstitutunun tarix fakültəsinə daxil olub. 1969-cu ildə burada təhsilini başa vurub, Ağsu rayonunun İlxıçı kəndində tarix müəllimi kimi əmək fəaliyyətinə başlayıb.
Eldost müəllim 1972-ci il aprelin 1-də Azərbaycan Dövlət Teleradio Verilişləri Komitəsinə (indiki Dövlət Teleradio Verilişləri Qapalı Səhmdar Cəmiyyəti) diktor kimi fəaliyyətə başlayıb.
Ali dərəcəli diktor kimi uzun illər öz fəaliyyətini uğurla davam etdirən ustad sənətkar 2006-cı ildə “Respublikanın əməkdar artisti fəxri adına, 2008-ci ilin noyabrında “Tərəqqi” medalına ,2016-cı ildə “Xalq artisti” fəxri adına layiq görülüb.
Analoq.az adından sevimli sənətkarımızı təbrik edir ona uğurlar və can sağlığı arzu edirik.
Analoq.az
